Kwalula 3:13 - MUKANDA USANDU WA ZAMBI 1975

¹³ mumu tupula-majimo eswe ninyami. Ha lie tangwa nalambile tupula-majimo eswe a mu chifuchi cha Engitu, tupula-majimo eswe a A-Izalele ni a atu ni a tushitu yingwasela ku usandu hali yami mwene. Kumakapwa a yami. Yami Yehova.

Kwalula 3:13 Iomraidhean Croise

Nehemia 10:36

Tukanehe nawa tupula-majimo twa ana jetu a malunga, ni twa yimuna yetu, ngwe chinasonewa mu shimbi, ni atangu a kuli pembe, ni mapanga, kuneha ku zuwo lia Zambi yetu kuli asasendote aze akuvumbika mu zuwo lia Zambi yetu.

Kutuhuka 13:12

nukasele kuli Yehova waze eswe atangu kusemuka ni tupula-majimo eswe a kuli yimuna. Malunga ni kuji eswe akapwe a mbala a Yehova.

Kutuhuka 13:15

Mba muze Falau kasolo kututusula Yehova washihile tupula-majimo eswe a mu chifuchi cha Engitu, ni tupula-majimo a atu, ni tupula-majimo a yimuna. Kashika twakulambula kuli Yehova kuji eswe tupula-majimo, alioze tupula-majimo eswe a ana jetu a malunga twakwakula.

Kutuhuka 13:2

Nungusele ku usandu tupula-majimo eswe hakachi ka A-Izalele, atangu kusemuka kuli atu ni kuli yimuna; ni nyami.

Kutuhuka 22:29

Kanda ukalaluka kutambula ya ku kulumbama cha mbuto ye, ni ya ku maji a mu ukamino we. Tupula-majimo a kuli ané a malunga ukaahane kuli yami.

Kutuhuka 34:19

Tupula-majimo eswe ninyami. Yimuna je eswe a kuji, ana atangu a ngombe chipwe a mapanga.

Ezekiel 44:30

Yitangu ya mbuto yitangu ya milali yeswe, ni milali yeswe ya milambu yenu yeswe muyipwa ya mbala ya asasendote. Munukahana nawa kuli asasendote utangu wa wunga wenu wa kuchika mbolo hanga chiwape chikatwame ha munyachi wenu.

Alevi 27:26

Kapula-jimo wa chimuna se wapwa kapula-jimo, wa mbala wa Yehova, kashika niumwe mahasa kumusela ku usandu. Apwe wa ngombe, apwe wa panga, wa mbala wa Yehova.

Kwalula 18:15

Tupula-majimo eswe a kuli eswe malambula kuli Yehova, a kuli atu ni yimuna, akapwe a yena. Hindu tupula-majimo a atu ukaakule wate, ni tupula-majimo a yimuna a luchisa ukaakule.

Kwalula 18:6

Yami hinachiza akwenu A-Levi hakachi ka A-Izalele. O kapwa chawana kuli yenu, haahana kuli Yehova, mukulinga uvumbiko wa mu mbalaka ya chikungulwila.

Kwalula 3:41

Ungutambwile A-Levi—Yami Yehova—mukusalakana tupula-majimo eswe hakachi ka A-Izalele; yimuna ja A-Levi mukusalakana tupula-majimo eswe hakachi ka yimuna ja A-Izalele.

Kwalula 33:4

A-Engitu te machifunda tupula-majimo jo, aalambile Yehova hakachi ko. Yehova yalinga upatwilo nawa ku tuzambi two.

Luka 2:23

(nikulita ngwe chinasonewa mu shimbi ya Mwene ngwo, Mwana mweswe wa lunga maliangila kusemuka, kumakamuvuluka ngwo, Musandu kuli Mwene);

Hebreu 12:23

che kukungama cha eswe; ni ku chikungulwila cha atangu, waze anasonewa mwilu; ni kuli Zambi mwe Sopi ya eswe, ni kuli maspiritu ja akwa ululi hanaapwisa angunu,