Kwalula 28:7 - MUKANDA USANDU WA ZAMBI 1975

⁷ Ni mulambu wawo wa kunwa ukapwe wa chihanda chimuwika cha ku yihanda yiwana ya hine, hali mwanapanga umuwika. Muma musandu Ukazujile Yehova mulambu wa kunwa chisasu.

Mukanda Wa Zambi 1970

⁷ Ukalambula mulambu wa vinyu hamwe ni panga mutangu; ha chilumbilo uzujila ho litro limuwika.

Kwalula 28:7 Iomraidhean Croise

Kutuhuka 29:40

Hamwe ni mwana-panga umwe ukatambule chihanda chimuwika cha ku kumi lia yihanda ya wunga wafufunuka, cha kuchinga ni chihanda chimuwika cha ku yihanda yiwana ya *hine ya maji a kusohola ni chihanda chimuwika cha ku yihanda yiwana ya *hine ya vinyu, yikapwe mulambu wa kunwa.

Kutuhuka 29:42

Akapwe mulambu wa kulumba wa matangwa eswe ndusu yisemuko yenu, ku chikolo cha mbalaka ya chikungulwila, kumeso ja Yehova, kuze mungukatakana ni yenu mukuhanjikilako ni yenu.

Kutuhuka 30:9

Kanda nukalambwilaho insensu yeka, chipwe mulambu wa kulumba, chipwe mulambu wa wunga, ka. Kanda nukazujilaho mulambu niumwe wa kunwa.

Izaya 57:6

Hakachi ka mawe asenena mu mungulunga mwatwama chihinga chenu. O ene anapu chihanda chenu, kuli ayo nwakuzujila mulambu wa kunwa; kuli ayo nwakuneha mulambu wa wunga. Yenayo muyihasa kungutomesa mbunge?

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Joele 1:9

Mulambu wa wunga ni mulambu wa kunwa hiyinapatuka mu zuwo lia Yehova. Asasendote, tuvumbi twa Yehova, kanalili.

Joele 2:14

Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

Alevi 1:9

Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Alevi 23:13

Mulambu wawo wa wunga muupwa wa yihanda yiali ya ku yihanda kumi ya njongo ya efa ya wunga wafufunuka wa kuchinga ni maji. Akaulambule ni kahia kuli Yehova ha lupembo mupema. Mulambu wawo wa kunwa ukapwe wa vinyu, chihanda chamuchiwana cha njongo ya hine.

Kwalula 15:10

Mulambu wa kunwa ukaulambule wa chihanda cha hakachi cha hine ya vinyu, chikapwe mulambu wa kahia, lupembo mupema kuli Yehova.

Kwalula 15:5

Ni vinyu ya mulambu wa kunwa, chihanda chimuwika cha ku yihanda yiwana ya hine, ukalulike hamwe ni mulambu wa kulumba, chipwe ha yitapo, hali mwana-panga mweswe.

Kwalula 15:7

Mulambu wa kunwa ukaulambule wa chihanda chimuwika cha ku yihanda yitatu ya hine ya vinyu, wa lupembo mupema kuli Yehova.

Kwalula 28:14

Ni milambu yo ya kunwa yikapwe ya chihanda cha hakachi cha hine ya vinyu hali chimbembe wa kuji, ni chihanda chimuwika cha ku yihanda yitatu ya hine hali mwe kuji ya panga, ni chihanda chimuwika cha ku yihanda yiwana ya hine hali mwanapanga. Uno we mulambu wa kulumba wa kakweji ha kakweji, ndusu tukweji twa mwaka.

Kwalula 28:31

Kuweza ku mulambu wa kulumba wa matangwa eswe, ni mulambu wawo wa wunga, nukaalambule, ni milambu yo ya kunwa, o akapwe kuli yenu keshi chipa.

Kwalula 28:6

Kuchapwa mulambu wa kulumba wa matangwa eswe, aukolesele ku mulundu wa Sinai, ukapwe lupembo mupema, mulambu wa kahia kuli Yehova.

Kwalula 28:8

Mwanapanga mukwo, ukamulambule ha chingoloshi, chizechene ngwe wakulambula mulambu wa wunga ni mulambu wawo wa kunwa ha chimene, mulambu wa kahia, wa lupembo mupema kuli Yehova.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.