Kwalula 28:2 - MUKANDA USANDU WA ZAMBI 1975

² Amba A-Izalele ngwe, Mulambu wami, kulia chami cha milambu yami ya kahia, ya lupembo mupema kuli yami, nukanyame kungutambula ha miaka yayo.

Mukanda Wa Zambi 1970

² hanga alweze Aisraele ha kulambula milambu ya yakulia ha shimbu liayo yize yinamuwahila.

Kwalula 28:2 Iomraidhean Croise

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

1 Sango Ja Mianangana 23:31

ni ha milambu yeswe ya kulumba kuli Yehova, ha masambata, ni ha kakweji mwaha, ni ha yiwanyino ya kutongola nikulita ni shimbi ya kwalula cho matangwa eswe kumeso ja Yehova.

2 Sango Ja Mianangana 23:18

Mba Jehoiada yasela milimo ya zuwo lia Yehova kushi lia chiyulo cha asasendote A-Levi waze David te hapangila mu zuwo lia Yehova, akalambule milambu ya kulumba ya Yehova nikulita ni chize hasoneka mu shimbi ya Mose. Achilingile ni kulikwiza ni kwimba nikulita ni chiyulo cha David.

2 Sango Ja Mianangana 31:3

Yasela nawa chihanda cha mwanangana cha ku upite wenyi ha milambu ya kulumba, ngwo, milambu ya kulumba ha chimene ni ha chingoloshi, ni milambu ya kulumba ha masambata, ni ha kakweji mwaha, ni ha yiwanyino ya kutongola ngwe chinasonewa mu shimbi ja Yehova.

Ezra 3:2

Henaho kwakatukile Yeshua mwana Jozadake ni asasendote ni akwo, ni Zorobabele mwana Salatiele ni usoko wenyi. Yatunga chilumbilo cha Zambi ya Izalele akalambwileho milambu ya kulumba ngwe chinasonewa mu shimbi ja Mose mwe mutu wa Zambi.

Ezra 3:3

Yatwamisa chilumbilo ha umanyino wacho, mumu evwilile woma akwa yifuchi. Yalambwilaho milambu ya kulumba kuli Yehova, milambu ya kulumba chimene ni chingoloshi.

Nehemia 10:34

Twatele chela—asasendote, ni A-Levi, ni e atu ha mulambu wa kunyi kuuneha mu zuwo lia Zambi yetu ha matangwa a kufunjika, nikulita ni minyachi ya atata mwaka ha mwaka kwocha ha chilumbilo cha Yehova Zambi yetu ngwe chinasonewa mu shimbi.

Miaso (Masamu) 81:3

Humunenu chitavwi ha kakweji mwaha, ha hakweji wa kuunduka, ha chiwanyino chetu.

Kutuhuka 23:15

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali ngwe nakwambile, haze naselele ha kakweji ka Ambimbi, mumu ha yoze mwene yena wakatukile ku Engitu. Kanda akasoloka kumeso jami mokomoko.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Ezekiel 16:19

Chikwo nawa mbolo yami yize nakuhele (mumu nakulishile ni wunga wafufunuka ni maji ni wuchi), wayisele kumeso jo yikapwe ya lupembo mupema. Chocho kanambe Mwene Yehova.

Ezekiel 20:41

Mungukanutambula ngwe lupembo mupema muze mungukanuchiza hakachi ka mavungu ni kunukonga ku yifuchi kuze nwamwanganyinyine. Mungukasolola usandu wami hakachi kenu kumeso ja akwa mavungu.

Ezekiel 45:17

Mba mulemu aye makamona milambu ya kulumba, ni milambu ya wunga, ni milambu ya kunwa, ha yiwanyino, ni kakweji mwaha ni masambata, yiwanyino yeswe ya kufunjika kuli akwa munyachi wa Izalele. Aye makahana milambu ha shili, ni milambu ya wunga, ni milambu ya kulumba, ni milambu ya sambukila akakukile akwa munyachi wa Izalele.

Alevi 1:13

Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:17

Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:9

Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Alevi 21:6

Akapwe asandu kuli Zambi yo. Kanda akajilula jina lia Zambi yo. Mumu o kakulambula milambu ya kahia kuli Yehova, che kulia cha Zambi yo. Kashika akapwe asandu.

Alevi 21:8

Nukamusele ku usasendote mumu kakulambula kulia cha Zambi yenu. Akapwe musandu kuli yenu mumu yami Yehova mukwa kunusela ku usandu nguli musandu.

Alevi 3:11

Sasendote akayilumbe ha chilumbilo, che kulia cha ku mulambu wa kahia kuli Yehova.

Malaki 1:12

Alioze yenu nwakulijilula ha kwamba ngwenu, Mesa ya Yehova hiyapwa ya luchisa, ni kulia chayo mutuhasa kuchilelesa.

Malaki 1:7

Ha kulambula kulia cha luchisa ha chilumbilo chami. Nwakwamba ngwenu, Kuchi twachichisa? Ha kunyonga ngwenu, Mutuhasa kulelesa mesa ya Yehova.

Kwalula 15:24

nyi nwachilinga, kunwachinyingikine, te chikungulwila kachinyingikine, chikungulwila cheswe akalambule chimbembe wa kuji akapwe mulambu wa kulumba, wa lupembo mupema kuli Yehova, hamwe ni mulambu wawo wa wunga ni mulambu wawo wa kunwa, nikulita ni chiyulo, ni kuji ya pembe umuwika mulambu ha shili.

Kwalula 15:3

nyi munukazanga kulambula kuli Yehova mulambu wa kahia, hanji mulambu wa kulumba, hanji chitapo, mukumanununa chilakenyo chimwe, hanji mulambu wa mbunge, hanji ha matangwa a yiwanyino yenu ya kutongola mukulambula kuli Yehova wa lupembo mupema, wa ku ngombe, hanji wa ku mapanga:

Kwalula 15:7

Mulambu wa kunwa ukaulambule wa chihanda chimuwika cha ku yihanda yitatu ya hine ya vinyu, wa lupembo mupema kuli Yehova.

Kwalula 28:1

Yehova yamba kuli Mose ngwenyi,

Kwalula 29:39

Ye yino nukalambule kuli Yehova ha yiwanyino yenu ya kutongola, kuweza ku milambu yenu ya yilakenyo, ni milambu yenu ya mbunge, yikapwe milambu yenu ya kulumba, yikapwe milambu yenu ya wunga, yikapwe milambu yenu ya kunwa, yikapwe milambu yenu ya sambukila.

Kwalula 9:13

Alioze yoze unapeme, nyi keshi mu wenyi hindu machina kufunga Chizomboka, akatete yoze mutu hakachi ka atu jenyi, mumu kalambwile mulambu wa Yehova ha mwaka wacho wa kutongola; akambate mulonga wenyi.

Kwalula 9:7

Aze malunga yamba kuli iye ngwo, Yetu twalichisa ku mujimba wa mufu; yika te katutayijile kama kulambula mulambu wa Yehova ha mwaka wacho wa kutongola, mukachi ka A-Izalele?

2 Korintu 2:15

Mumu tuli lupembo mupema wa Kristu kuli Zambi muli waze anaalamwina, ni muli waze anatoko;

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.