Kwalula 27:23 - MUKANDA USANDU WA ZAMBI 1975

²³ Yasayika moko jenyi hali iye, yamwaha shimbi chizechene ngwe Yehova ambile ku kanwa lia Mose.

Mukanda Wa Zambi 1970

²³ yasa kwoko ha mutwe wa Yoshua ni kumulweza kuli atu ngwenyi: “Mwenawu manguhinga.”

Kwalula 27:23 Iomraidhean Croise

Kwalula 27:18

Yehova yamba kuli Mose ngwenyi, Utwale Yoshua, mwana wa Nune, lunga muli iye Spiritu mwali, usayike kwoko lie hali iye.

Kwalula 27:19

Umusele kumeso ja sasendote Eleazare, ni kumeso ja chikungulwila cheswe, ukamwehe shimbi kumeso jo.

Kwalula 27:22

Mose yalinga chizechene ngwe Yehova amwambile; yatwala Yoshua, yamusela kumeso ja sasendote Eleazare, ni kumeso ja chikungulwila cheswe.

Kwalula 28:1

Yehova yamba kuli Mose ngwenyi,

Shimbi 3:21

Nambile Yoshua ha mwaka uze ngwami, Meso jenu hanamono yeswe alingile Yehova Zambi yenu kuli mianangana wano aali. Yehova alinge chizechene ku mawanangana eswe muze munuzauka.

Shimbi 3:28

Alioze uhane shimbi kuli Yoshua umukolese umujikijise, mumu iye makazauka kumeso ja atu ano, iye makaatungisa mu chifuchi yena mumona.

Shimbi 31:23

Yehova yahana kuli Yoshua, mwana wa Nune, chiyulo ngwenyi, Takama, uhamuke, mumu kumukahetesa A-Izalele mu chifuchi nalishingile kuhana kuli ayo. Mungukapwa hamwe ni yena.

Shimbi 34:9

Yoshua, mwana wa Nune, wazalile tò ni Spiritu ya mana, mumu te Mose hasayika hali iye moko jenyi. A-Izalele yapanjika kuli iye, yalinga ngwe Yehova ambile Mose.