Kwalula 27:20 - MUKANDA USANDU WA ZAMBI 1975

²⁰ Usele hali iye chihanda cha ulemu we, hanga chikungulwila cheswe cha A-Izalele akazeye.

Mukanda Wa Zambi 1970

²⁰ Mwehe chihinga cha chiyulo che, mba Chikungulwila cheswe cha Aisraele akamwononokene.

Kwalula 27:20 Iomraidhean Croise

1 MIANANGANA 2:15

Ha kumumona ana ja aprofeta waze atwama ku Yeriku hatalanganyi nenyi yamba ngwo, Spiritu ya Eliya hatula hali Elisha. Mba yeza kumupatwiza, yahetamina hashi kumeso jenyi.

1 Sango Ja Mianangana 29:23

Chocho Solomone Watwamine mwanangana ha ngunja ya Yehova kusalakana tato David, yitanga yenyi yiyiwaha ni A-Izalele eswe amwononokenene.

1 Sango Ja Mianangana 29:25

Yehova walemesene chikolo Solomone kumeso ja A-Izalele eswe. Wamuhele ulamba umwe wa wanangana kuhiana mianangana eswe te hapwa kushi mu Izalele.

Kwalula 11:17

Munguhulumuka nguhanjikeko ni yena. Munguchiza kuli Spiritu yoze uli hali yena, mungunwisa hali ayo, mba kumakambata chiteli cha atu hamwe ni yena hanga kuchi kachimbata yena mwene ukawe.

Kwalula 27:19

Umusele kumeso ja sasendote Eleazare, ni kumeso ja chikungulwila cheswe, ukamwehe shimbi kumeso jo.

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

1 Samuel 10:6

Spiritu ya Yehova mahulumukina hali yena ni tachi, mba ni yena muprofeteza hamwe no, mualumuka upwe mutu weka.

1 Samuel 10:9

Mba muze alumukine akatuke kuli Samuel, Zambi wamuhele mbunge yeka ni yilayi yize yeswe yamonekene tangwa lioliene.