Kwalula 27:16 - MUKANDA USANDU WA ZAMBI 1975

¹⁶ Yehova, Zambi ya maspiritu a atu eswe, asakule umwe lunga wa helu lia chikungulwila,

Mukanda Wa Zambi 1970

¹⁶ “Mwene Zambi, chishina cha mwono weswe, ngunaliumbu, tongola mutu yoze mahasa kusongwela Chikungulwila,

Kwalula 27:16 Iomraidhean Croise

1 Yitanga Ya Mianangana 5:5

Kashika ngunazange kutunga zuwo ha jina lia Yehova Zambi yami chizechene ngwe Yehova yamba kuli tata David ngwenyi, Mwané yoze mungusa ha ngunja ye kukusalakana, iye makatunga zuwo ha jina liami.

1 MIANANGANA 11:8

Munujingilika mwanangana kweswe, mutu mweswe ni yitwa ya jita mu kwoko, mba mweswawo manjila hakachi ka mikana akamushihe. Pwenu yenu hamwe ni mwanangana muze matuhuka ni muze manjila.

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Jeremia 3:15

Mungukanwaha tufunga nikulita ni mbunge yami waze manulisa ni mana ni chinyingi.

Jeremia 32:27

Yami nguli Yehova Zambi ya atu eswe a musunya. Chimwe chuma muchingukalila naye?

Jeremia 38:16

Mba mwanangana Zedekia yalishinga kuli Jeremia ukawo ku lumbu ngwenyi, Ni mwono wa Yehova yoze watangile alma jetu, chichi kukushiha chipwe kukukunjika kuli wano malunga anafupu kukushiha.

Ezekiel 18:4

Alma ja eswe nijami; alma ya tato ni alma ya mwanenyi jeswe nijami; mba alma yize muyivulumuna kumuyikafwa.

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Kwalula 27:15

Mose yamba kuli Yehova ngwenyi,

Mateu 9:38

Liumbenu kashika kuli Mwenya kucha, hanga atume akwa milimo aye ku kucha chenyi.

Yoano 10:11

Mwe kafunga mupema yami; kafunga mupema matumbika mwono wenyi hali mapanga.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Shimbi 31:14

Yehova yamba kuli Mose ngwenyi, Tangwa lia kufwa che linakundama. Tambika Yoshua, numane mu mbalaka ya chikungulwila, hanga ngumwehe chiyulo. Mose ni Yoshua yaya, yamana mu mbalaka ya chikungulwila.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?

1 Samuel 12:13

Kashika talenu mwe mwanangana hinwatongola, hinweta. Yehova hanusela mwanangana kunuyula.