Kwalula 27:14 - MUKANDA USANDU WA ZAMBI 1975

¹⁴ Mumu te nwakolemene liji liami mu puya ya Zini ha kulitachika cha chikungulwila, ha chikuma cha kungusela ku usandu ku chikuma cha meya kumeso jo. Meya ano, meya a Meripa ku Kandeshe mu puya ya Zini.

Mukanda Wa Zambi 1970

¹⁴ mumu yenu eswe aali nwakolemene Shimbi yami mu puya ya Zine. Muze Chikungulwila cheswe anguketekele ku Meriba, yinulituna ndundo ja ulinange wami ku meso jo.” (Meriba lili shima lia meya a ku Kadeshe mu puya ya Zine.)

Kwalula 27:14 Iomraidhean Croise

Kutuhuka 17:7

Yaluka kuma kuze jina ngwenyi, Masa kanda Meripa, mumu ha kulitachika cha A-Izalele, mumu o yeseka Yehova ha kwamba ngwo, Shina Yehova kwali hakachi ketu nyi shina ka?

Kwalula 13:21

Chocho akandukile, yasembula chifuchi, katuke ku puya ya Zini ndo ku Rehobo, ndo ku unjililo wa ku Hamate.

Kwalula 20:1

Chikungulwila cheswe cha A-Izalele ahetele ku puya ya Zini ha kakweji mutangu. E atu yatwama ku Kandeshe. Kokwene afwilile Miriame. Yamufundako.

Kwalula 20:24

Kumatwala Arone kuli atu jenyi; mumu iye kechi kanjila mu chifuchi nahanyine kuli A-Izalele, se nwakolemene liji liami ku meya a Meripa.

Kwalula 20:5

Yika te nwatuchijile ku Engitu? Kumanyi, mukutuhetesa kuma kuno kupi nyi? Ku kuno hi kwa mbuto ko, hanji kwa makuyu, hanji kwa mitondo ya uva, hanji kwa romana, ka. Chipwe meya a kunwa keshiko.

Kwalula 27:15

Mose yamba kuli Yehova ngwenyi,

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Shimbi 1:37

Yehova yangutenukina nawa mumu hali yenu ngwenyi, Ni yena nawa kuchi kunjilamo.

Shimbi 4:22

Alioze changutamba kufwa mu chifuchi chino, kanda nguzauka Yordau. Hindu enu munukazauka, nuzuke chifuchi chize chipema.