Kwalula 27:13 - MUKANDA USANDU WA ZAMBI 1975

¹³ Muze hiwachimona makutwala nawa kuli atu je, ngwe atwalile yayenu Arone.

Mukanda Wa Zambi 1970

¹³ Muze hiwachimona, mba muufwa kwe, ngwe chize afwile yayenu Arone,

Kwalula 27:13 Iomraidhean Croise

Ubutukilo 25:17

Ni yino ye miaka ya mwono wa Ishemali, kulakaji lia miaka ni makumi atatu a miaka ni miaka shimbiali. Chocho iye yecha mwono wenyi, yafwa, yamutwala kuli atu jenyi.

Ubutukilo 25:8

Apalahama yecha mwono wenyi, yafwa ni ukulwana upema; mukulwana wa miaka yinji. Chocho amutwalile kuli atu jenyi.

Kwalula 31:2

Kalenu A-Izalele hali A-Mindiane; kulutwe makutwala yena kuli atu je.

Kwalula 33:38

Sasendote Arone yakanduka mulundu wa Hore nikulita ni shimbi ya Yehova, yafwilaho, ha mwaka makumi awana ha kukatuka A-Izalele ku chifuchi cha Engitu, ha kakweji wamuchitano, ha tangwa litangu lia mwe kakweji.

Shimbi 1:37

Yehova yangutenukina nawa mumu hali yenu ngwenyi, Ni yena nawa kuchi kunjilamo.

Shimbi 10:6

(A-Izalele yaya wenyi wo katuke ku Mberote-Mbene-Jakane ndo ku Mosera, kwenako afwilile Arone, kwenako amufunjile. Ha kumusalakanyisa mwanenyi Eleazare yalinga usasendote.

Shimbi 31:14

Yehova yamba kuli Mose ngwenyi, Tangwa lia kufwa che linakundama. Tambika Yoshua, numane mu mbalaka ya chikungulwila, hanga ngumwehe chiyulo. Mose ni Yoshua yaya, yamana mu mbalaka ya chikungulwila.

Shimbi 31:16

Yehova yamba kuli Mose ngwenyi, Kutala! Yena kumuoya tulo ukalifutule ni tulamba twenu. Atu ano makakatuka, makalinga ukoi nikukaula tuzambi twa tundaka a chifuchi, kuze anayi kutwama. Makangwehuka, makatangula usendo wami nakolesele no.

Shimbi 32:50

Ufwile ha mulundu mukanduka, akutwale kuli atu je, ngwe afwile yayenu Arone ha mulundu wa Hore, amutwalile kuli atu jenyi.

Shimbi 4:22

Alioze changutamba kufwa mu chifuchi chino, kanda nguzauka Yordau. Hindu enu munukazauka, nuzuke chifuchi chize chipema.