Kwalula 25:4 - MUKANDA USANDU WA ZAMBI 1975

⁴ Yehova yamba kuli Mose ngwenyi, Utwale akwa lutwe eswe a atu, wasukike kumeso ja Yehova ha mwalwa, hanga utenu usasu wa Yehova ukakatuke kuli A-Izalele.

Mukanda Wa Zambi 1970

⁴ yambila Mose ngwenyi: “Twala miata ja Aisraele eswe waze haangukolema, waashihe ku meso ja atu eswe, mba chichi kutenukina nawa atu.”

Kwalula 25:4 Iomraidhean Croise

2 Samuel 21:6

atwehe shimbiali a ana jenyi a malunga mba mutwasukika kumeso ja Yehova mu Ngibia ya Saulu yoze amutongwele kuli Yehova. Mwanangana ngwenyi, Mungunwaho.

2 Samuel 21:9

Yaakunjika kuli A-Ngibeone, o yaasukika ha mulundu kumeso ja Yehova; yafwa eswe shimbiali hamuwika. Yaashiha ha matangwa a kucha, ha matangwa atangu ha kuputuka kucha sevada.

Miaso (Masamu) 106:29

Chocho amwihile ku utenu ni yitanga yo mba chilungo chasambulukile hali ayo.

Kutuhuka 18:25

Mose wasakwile malunga yitakame a kuli A-Izalele eswe. Yaapwisa miata ja atu, akwa kuyula tununu, akwa kuyula makulakaji, akwa kuyula makumi atano, akwa kuyula kumi.

Yona 3:9

Iya unanyingika? Hanji Zambi malumuka alikonyeke, atewuluke ku utenu wenyi usasu, ni yetu kutuchi kukuwa.

Kwalula 25:11

Finehase, mwana wa Eleazare, mwana wa sasendote Arone, hanakondolola utenu wami kuli A-Izalele, mumu te iye yevwa ukwa umuwika ni uze yami nevwile nawa. Chocho chamanwine A-Izalele ni ukwa wami.

Kwalula 25:18

mumu o kananupinjisa yenu ni yongo yo, hananwongo nayo ku chikuma cha Peore, ni ku chikuma cha Koshipi, mwana wa pwo wa mwata wa A-Mindiane, ndumbwo, amushihile ha tangwa lia chilungo, ku chikuma cha Peore.

Shimbi 13:11

A-Izalele eswe achivwe, evwe woma, kanda alinga nawa ungulungulu upwa hoho ngwe uno uli mukachi kenu.

Shimbi 13:13

Malunga amwe amokomoko hatuhuka mukachi kenu, hakondolola akwa limbo lio ngwo, Tatuyenu, tuvumbike tuzambi tweka, kunwatunyingikine,

Shimbi 13:15

nukashihe ni katana akwa limbo lize, nikulionwona liakulu ni yeswe yilimo, ni yimuna jamo ni katana.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 21:22

Kachi mutu mavulumuna mulonga unate ni kufwa, kufwa chenyi kumusukika ku mutondo,

Shimbi 21:23

mujimba wenyi kanda usala ku mutondo ufuku weswe. Numufunde tangwa lioliene, mumu mutu wasukama ku mutondo kapwa shingo lia Zambi, kuchina munuchisa chifuchi chenu Yehova Zambi yenu ananwehecho chikapwe chihinga.

Shimbi 4:3

Meso jenu hanamono chize Yehova alingile mumu hali Mbale-Peore mumu malunga eswe akawile Mbale-Peore, Yehova Zambi yenu hanaakuwisa hakachi kenu.

Yoshua 22:17

Te mulonga wa ku Peore kuwahetele, ndo musono kutwalipemesenewo, wenawo wanehene musongo wa kulukumuka ha chikungulwila cha Yehova.

Yoshua 23:2

Yoshua yasanyika A-Izalele eswe, ni makulwana jo, ni akwa lutwe, ni akwa kuyula, ni yilolo. Yamba kuli ayo ngwenyi, Hinapwa mukulwana, miaka yami hiyoka.