Kwalula 24:9 - MUKANDA USANDU WA ZAMBI 1975

⁹ Yapotoka, yautama ngwe ndumba, ni ngwe ndumba wa chihwo, iya mamukatwisa? Kawaha eswe mawahisa yena. Kashingiwa eswe mashinga yena.

Mukanda Wa Zambi 1970

⁹ Aisraele kaali ngwe kuji a tambwe yoze unautama, ngwe chihwo cha tambwe, iya mahasa kumuhindwisa? Mweswawo mawahisa Aisraele neye kumaamuwahisa, mweswawo mashinga Aisraele neye kumashingiwa.”

Kwalula 24:9 Iomraidhean Croise

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 27:29

Minyachi akakuvumbike. Mavungu akafulamane kuli yena. Ukapwe mwene helu lia usoko we. Ana ja noko akafulamane kuli yena. Mweswe makushinga neye akashingiwe, Mweswe makuwahisa neye akawahe.

Ubutukilo 49:9

Yunda iye mwevu wa ndumba. Mwanami, unachikatuka ku yifwo ya kushiha. Iye wautamine, waliumbile ngwe ndumba, ngwe chihwo cha ndumba. Iya mamuhindwisa?

1 Yitanga Ya Mianangana 10:20

Ku unyinyino ku ngano jisambano kwamanyine ku malumbu ndumba kumi ni aali. Kalingile chuma cha kulifwa mu chifuchi nichimwe.

2 Sango Ja Mianangana 9:18

Kwapwile unyinyino wa ngano jisambano kuheta ku ngunja ni chitwamo cha oru cha yiliato, te ya kununga ku ngunja. Kwapwile ngwe tumanguji sali ni sali kwe ku chitwamo, ni ndumba aali a kwola a kumana sali ni sali ku tumanguji.

Estere 6:13

Hamane yambulwila pwo lienyi Zereshe ni masepa jenyi eswe yuma yize yeswe yamuwana. Mba akwa mana jenyi ni pwo lienyi Zereshe yamba kuli iye ngwo, Nyi Mordekai, yono haputuka kukulimbula, wapwa wa vungu lia A-Yunda kuchi kuhasa kumukumba. Pundu mulimbuka kumeso jenyi.

Jobe 41:10

Niumwe uli ni hamu lia kumusunga. Mba iya yoze mahasa kumana kumeso jami?

Miaso (Masamu) 122:6

Lembelenu sambukila ya Yerusaleme. Waze anakuzange akawahe.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Kutuhuka 23:22

Alioze nyi chamwenemwene muhalakana ku liji lienyi nikulinga yeswe mungwamba, mba kumungukapwa mukwa kole kuli akwa kole je, mukwa kumwesa luyinda kuli waze akukumwesa luyinda.

Izaya 31:4

Mumu chocho Yehova hanambe kuli yami ngwenyi, Ngwe ndumba, hanji mwevu wa ndumba, makenana ha yifwo akwata, chipwe masanyika mbunga ya tufunga akalimike nenyi iye kechi kwivwa woma ha kukalumuka cho, kechi kusetuka ha zungo lio, chocho nawa Yehova-wa-Tujita makahulumuka nikwasa jita ha mulundu wa Zaione ni ha mundundena wako.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

Kwalula 22:12

Zambi yamba kuli Mbalau ngwenyi, Kuchi kuya no. Kuchi kushinga e atu, mumu hanaawahisa.

Kwalula 22:6

Kashika, tweya, ungushingile wano atu; mumu o kananguhiana; hanji munguhasa kwalamba ni kwahuma ku chifuchi; mumu ngunanyingika ngwami, Kuwahisa umwe kuli yena, iye kawaha. Kushinga umwe kuli yena, iye kashingiwa.

Kwalula 23:24

Kutala! E atu kanakatuka ngwe ndumba wa chihwo, kanahetuka ngwe ndumba. Kechi kautama nawa ndo malia yifwo iye hashiha, ndo manwa manyinga a waze iye hashiha.

Kwalula 24:10

Utenu wa Mbalake yiukasumukina Mbalau, yalinga pwa ni moko jenyi. Mbalake yamba kuli Mbalau ngwenyi, Nakusanyikine ukashinge akwa kole jami. Kutala! Yena hiunaawahisa liakulu kano katatu.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Mateu 25:45

Hohene makaakumbulula ngwenyi, Pundu ngwami, Mumu te kunwachilingile kuli umwe wa kuli wano akepe ahiana eswe, kunwachilingile kuli yami.

Yilinga 9:5

Iye wambile ngwenyi, Mwene, yena iya? Wakumbulwile ngwenyi, Yami Yesu, yoze wakumuhungumiona, chikalu hali yena kutwa yishindo ku musongolwela.

Shimbi 30:7

Yehova Zambi yenu makasa mashingo ano eswe hali akwa kole jenu, hali eswe ananuvwila kole, anuhungumionene.