Kwalula 24:8 - MUKANDA USANDU WA ZAMBI 1975

⁸ Zambi yamuchiza ku Engitu. Kumumona, ngwe iye kali ni tachi ja mbau. Kumakamanuna akwa mavungu, akwa kulimika nenyi. Kumakamakuna yifwaha yo tuyipinji. Kumakaatuwa ndusu ni mivi yenyi.

Mukanda Wa Zambi 1970

⁸ Zambi hanaatuhwisa mu Egiptu; Aisraele kaali ni tachi ngwe kuji a mbau. Kaanamanununa akwa kole jo, kaanabubu yifwaha yo, kaanamakwona mivu yo.

Kwalula 24:8 Iomraidhean Croise

Miaso (Masamu) 2:9

Kumukaamakuna ni lukanda wa utale, kumukaashiha tuyipinji ngwe sapa ya tengi.

Miaso (Masamu) 21:12

Mumu yena kumakatewulula manyima jo, mba kumukalulika kusa je kumeso jo.

Miaso (Masamu) 45:5

Mivu ye yinambuka; yili mu mbunge ja akwa kole ja mwanangana; atu eka ni eka analimbuka kushi lia yena.

Miaso (Masamu) 45:6

Ngunja ya yena Zambi kuyili ndo ku miaka yeswe ya mutolo; lukanda wa wanangana we lukanda wa ululi.

Kutuhuka 23:22

Alioze nyi chamwenemwene muhalakana ku liji lienyi nikulinga yeswe mungwamba, mba kumungukapwa mukwa kole kuli akwa kole je, mukwa kumwesa luyinda kuli waze akukumwesa luyinda.

Izaya 38:13

Nakuteta angukwase ndo ni kucha cha tangwa; alioze aye ngwe ndumba kakumakwona yifwaha yami; hakachi ka mwalwa ni ufuku kuwakungusutula.

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Jeremia 50:9

Mumu ngunavundula mbunga ya mavungu alemu a ku chifuchi cha ku Norte akalimike ni Babilonia. Kumakalilonga akase nenyi jita mba kwenako mamutambula. Mivu yo yapwa ngwe kajita kuwajama yoze kechi kuhiluka mokomoko.

Daniel 6:24

Mwanangana yatuma, mba waze asumine Daniel, yaaneha, yaanyasa mu wina wa ndumba—ayo, ni ana jo, ni mapwo jo. Shimbu kanda achiheta ha mashima a wina ndumba yaakwata ni kupalwola yifwaha yo tuyipinji.

Kwalula 14:9

Chuma chimuwika, kanda nukolema Yehova, chipwe kanda nuvwila woma atu atwama mu chifuchi, o kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.

Kwalula 21:5

Atu ahanjikile nikulimika ni Zambi, ni kulimika ni Mose ngwo, Kuchi te nwatuchijile ku Engitu? Kumanyi, tufwile mu puya nyi? Mumu kulia kuchishiko, ni meya akuhi. Mbolo yino yamokomoko, hiyatusekela.

Kwalula 23:22

Zambi yamuchiza ku Engitu. Kumumona, ngwe iye kali ni tachi ja mbau.

Kwalula 23:24

Kutala! E atu kanakatuka ngwe ndumba wa chihwo, kanahetuka ngwe ndumba. Kechi kautama nawa ndo malia yifwo iye hashiha, ndo manwa manyinga a waze iye hashiha.

Mateu 2:15

wapwileko ndo ku kufwa cha Heronde; hanga chikamanunuke chize ahanjikile Mwene ku kanwa lia profeta ngwenyi, Natambikile mwanami akatuke ku Engitu.

Shimbi 32:23

Mungulumbikila hali ayo yuma yipi; mungumana hali ayo mivi yami yeswe.

Shimbi 32:42

Munguzengewesa mivi yami ni manyinga. Katana kami malia yifwo hamwe ni manyinga a afu ni funge, ni mutwe wa mianangana ja akwa kole.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Yoshua 2:10

Mumu hitunevu chize Yehova womishine meya a Kalunga-lwiji Muchila kumeso jenu muze nwakatukile ku Engitu. Hitunevu nawa chize nwalingile kuli mianangana aali a A-Amore atwamine mu sali lia Yordau, ngwami, Sahone ni Oge waze nwanongesene wupu.