Kwalula 24:13 - MUKANDA USANDU WA ZAMBI 1975

¹³ Kachi Mbalake mangwaha zuwo lienyi lia tò ni prata ni oru, chichi kuzomboka liji lia Yehova, mukulinga chipema, hanji chipi, cha ku mbunge ya yami mwene, ka; cheswacho mamba Yehova chenacho mungwamba yami.

Mukanda Wa Zambi 1970

¹³ chibwe ungwehe prata ni oru yeswe ya mu zuwo lie lia wanangana, chahashile kukolema maliji a Mwene Zambi ha kulinga chimwe Chuma ukawami. Munguhanjika lume chize Mwene Zambi mangulweza.”

Kwalula 24:13 Iomraidhean Croise

1 Yitanga Ya Mianangana 13:8

Mutu wa Zambi yamba kuli mwanangana ngwenyi, Chipwe munungwaha chihanda cha ha muchima cha zuwo lienu chichi kuya ni yenu chipwe kulia chipwe kunwa kuma kuno.

1 Yitanga Ya Mianangana 22:14

Mikaia ngwenyi, Ni mwono wa Yehova, cheswacho Yehova mangwamba chenacho munguhanjika.

Kwalula 16:28

Mose yamba ngwenyi, Ku chino mununyingika ngwami, Yehova hanangutumu mukulinga yitanga yino yeswe; mumu chayitakile ku mbunge ya yami mwene.

Kwalula 22:18

Mbalau yakumbulula kuli ngamba a Mbalake ngwenyi, Chipwe Mbalake mangwaha zuwo lienyi lia tò ni prata ni oru, chichi kazomboka liji lia Yehova Zambi yami, chipwe ha kulinga chikepe, chipwe chinji, ka.

Kwalula 22:20

Zambi yaheta kuli Mbalau ha ufuku, yamba kuli iye ngwenyi, Nyi malunga heza mukukusaka, katuka uye no; hindu lie liji yami ngunakwambe, lioliene wika ukalilinge.

Kwalula 22:8

Iye yamba kuli ayo ngwenyi, Twamenu kuno ufuku uno, mba mungunwambulwila nawa chizechene ngwe Yehova mangwamba. Miata a Moape yatwama hamwe ni Mbalau.