Kwalula 24:10 - MUKANDA USANDU WA ZAMBI 1975

¹⁰ Utenu wa Mbalake yiukasumukina Mbalau, yalinga pwa ni moko jenyi. Mbalake yamba kuli Mbalau ngwenyi, Nakusanyikine ukashinge akwa kole jami. Kutala! Yena hiunaawahisa liakulu kano katatu.

Mukanda Wa Zambi 1970

¹⁰ Balake yatenukina Balame; yaamba moko bwaa ngwenyi: “Ngunakutambika ha kushinga akwa kole jami, alioze yena hiwawahisa yisuho yitatu.

Kwalula 24:10 Iomraidhean Croise

Nehemia 13:2

mumu kapatwijile A-Izalele ni kulia ni meya, ahoze afwetele Mbalau akaashinge. Alioze Zambi walumwine shingo mu chiwape.

Jobe 27:23

Kakumuyunga nikusakwila koshi nikumutwila mulolo.

Ezekiel 21:14

Kashika, mwana mutu, profeteza. Lamba koshi ku moko jenu, katana akaholoke kaali hanji katatu; katana wa waze maashiha, mwe katana wa kuhana, yoze unaaseleka.

Ezekiel 21:17

Ni yami nawa mungulamba koshi ku moko jami, munguhwisa ufwatulo wami. Yami Yehova hinahanjika.

Ezekiel 22:13

Kashika ni yami mwene ngunalamba koshi ni moko mumu ha kufumbuka chenu cha uhenge chize hinwalinga, ni ha manyinga aze hanamwangana hakachi kenu.

Kwalula 22:11

Hashi heswe hanatakana ni atu aze atuhukile ku Engitu, tweya haliapwila ungushingilo; hanji munguhasa kwasa no jita ni kwahuma.

Kwalula 22:17

mumu kumungununangamisa ni ulemu wunji, cheswacho munwamba kuli yami kumungulinga; kashika tweyenu, mwane, nungushingile wano atu.

Kwalula 22:6

Kashika, tweya, ungushingile wano atu; mumu o kananguhiana; hanji munguhasa kwalamba ni kwahuma ku chifuchi; mumu ngunanyingika ngwami, Kuwahisa umwe kuli yena, iye kawaha. Kushinga umwe kuli yena, iye kashingiwa.

Kwalula 23:11

Mbalake yamba kuli Mbalau ngwenyi, Kuchi wangulinga? Nakutwalanga ukashinge akwa kole jami. Kumanyi, hiunaawahisa liakulu.

Kwalula 24:11

Kashika, haliapwila, yako, uchinyine ku mahienu. Nanyonga ngwami, Mungukunangamisa ni ulemu wunji, ahoze kumanyi, Yehova hakumina ulemu.

Kwalula 24:9

Yapotoka, yautama ngwe ndumba, ni ngwe ndumba wa chihwo, iya mamukatwisa? Kawaha eswe mawahisa yena. Kashingiwa eswe mashinga yena.

Yilinga 11:10

Chino chapwile katatu: ni cheka nawa yeswe yasosewele mwilu;

Shimbi 23:6

Kanda nufupa apwe ni sambukila, chipwe hanga awahe matangwa jenu eswe a mutolo.