Kwalula 23:9 - MUKANDA USANDU WA ZAMBI 1975

⁹ Ku mbulwa mawe ngunamumono iye. Ku milundu ngunamutale iye. Kutala! O kapwa atu a kutwama ukawo. Kechi kaalula mukachi ka mavungu!

Mukanda Wa Zambi 1970

⁹ Hano ngunatwama ha milundu, ngunahase kwamona, ngunahase kwatala. Kulili vungu lize atwama ukawo; kaananyingika ngwo, kaali atu waze Zambi hanaawahisa kuhiana mavungu akwo.

Kwalula 23:9 Iomraidhean Croise

Ezra 9:2

Mumu hambata ana jo a mapwo, hali ene ni hali ana jo. Chocho munyachi usandu hiunalifutula ni akwa yifuchi. Ni e alemu ni akwa kuyula hatetekela mu mulonga uno.

Estere 3:8

Mba Hamane yamba kuli mwanangana Ahashueru ngwenyi, Vungu limwe linamwangana hakachi ka yifuchi yeswe ya chiyulo chenu ni kulichinga ni mavungu akwo. Shimbi jo jalipwila ni shimbi ja mavungu eswe, chipwe shimbi ja mwanangana kajifungile. Kashika kuchatambile mwanangana kwatayiza.

Kutuhuka 33:16

Kuchi mungunyingika ngwami, Hinawana vumbi kumeso je, ni yami ni atu je? Te kuchapwile ha chuma chino nyi? Mumu yena wakuya hamwe ni yetu, chocho ni yami ni atu je tukahandunuke kuli atu eswe muno muze.

Jeremia 46:28

Yehova kanambe ngwenyi, Yena kavumbi kami Yakomba kanda wivwa woma, mumu yami hamuwika ni yena nguli. Mungumanununa wupu mavungu aze eswe kuze hinanuhumina, alioze yenu chichi kunumanununa liakulu. Mungunufumba ni kulita. Chichi kunuhichika chizechene ni kastigu yakuhi.

Jeremia 49:31

Yehova kanambe ngwenyi, Katukenu, senyenu kulimika ni akwa vungu limwe akutwama ni kuhwima ni chipi chakuhi. Keshi ni mapito chipwe njalo; kanatwama ukawo.

Amose 9:9

Mumu mungukatuma kusakumuna munyachi wa Izalele hakachi ka mavungu ngwe umwe kakusakumuna musalo wa masekeseke, alioze nikamwe kaliwe mukaholoka hashi kakuhi.

Mika 7:14

Funga atu je ni mbwechi ye; ye mbunga ya mapanga je a chihinga, waze atwama ukawo mu musenge, he hakachi ka chifuchi cha manaka. Akalie mu Mbashane ni Ngiliate ngwe ku matangwa a shakulu.

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,

Shimbi 32:8

Muze mwe Chitunda wahanyine yihinga ku mavungu, muze wahandunwine ana ja Alama, wafunjikile njiza ja minyachi nikulita ni kwalula cha A-Izalele.

Shimbi 33:28

Chocho Izalele makatwama kawape ukawenyi. Fuji lia Yakomba makatwama mu chifuchi cha mbuto ni vinyu, mba malilu jenyi makamwaha mume.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: