Kwalula 23:1 - MUKANDA USANDU WA ZAMBI 1975

¹ Mbalau yamba kuli Mbalake ngwenyi, Ungutungile kuno yilumbilo shimbiali, ungululikile kuno kuji a ngombe shimbiali ni kuji a mapanga shimbiali.

Mukanda Wa Zambi 1970

¹ Yambila Balake ngwenyi: “Ngutungile kama yilumbilo shimbiali hano, ngunehene makuji a ngombe shimbiali ni a mapanga shimbiali.”

Kwalula 23:1 Iomraidhean Croise

1 MIANANGANA 18:22

Alioze nyi munwamba kuli yami ngwenu, Tunajikijila hali Yehova Zambi yetu, ngwami, Mwenawo Hezekia hachiza manangamo jenyi ni yilumbilo yenyi, mba hamba kuli A-Yunda ni A-Yerusaleme ngwenyi, Chanutamba kuwayila ku chilumbilo chino mu Yerusaleme.

1 Sango Ja Mianangana 15:26

Zambi wakwashile A-Levi waze ambachile mushete wa usendo wa Yehova kashika alambwile yitapo ya kuji a ngombe shimbiali ni kuji a mapanga shimbiali.

2 Sango Ja Mianangana 29:21

Yaneha kuji a ngombe shimbiali, ni kuji a mapanga shimbiali, ni ana-mapanga shimbiali, ni kuji a pembe shimbiali akapwe mulambu wa shili ha chifuchi ni ha zuwo lisandu ni hali A-Yunda. Yatuma asasendote ana ja Arone aalambule ha chilumbilo cha Yehova.

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Kutuhuka 20:24

Ukangutungile chilumbilo cha mavu. Ukalambwileho milambu ye ya kulumba ni milambu ye ya sambukila, ni mapanga je ni ngombe je. Mu yihela yeswe kuze mungukaewulwisa jina liami kumungukakundama kuli yena. Kumungukakuwahisa.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Ezekiel 45:23

Mba ha matangwa shimbiali a chiwanyino makahana yimbembe a kuji shimbiali ni kuji a mapanga shimbiali keshi chipa akapwe mulambu wa kulumba kuli Yehova tangwa ha tangwa ha matangwa shimbiali, ni kuji ya pembe akapwe mulambu ha shili.

Kwalula 22:41

Mba ha chimene Mbalake yatwala Mbalau, yamuhetesa ku manangamo a Mbale. Yamonako atu a ku songo.

Kwalula 23:2

Mbalake yalinga chizechene ngwe Mbalau te hamba; ni Mbalake ni Mbalau yalambula kuji ya ngombe umuwika ni kuji ya panga umuwika ha chilumbilo ni chilumbilo.

Kwalula 23:29

Mbalau yamba kuli Mbalake ngwenyi, Ungutungile kuno yilumbilo shimbiali, ungululikile kuno kuji a ngombe shimbiali ni kuji a mapanga shimbiali.

Kwalula 23:30

Mbalake yalinga ngwe Mbalau hamba. Yalambula kuji ya ngombe umuwika ni kuji ya panga umuwika ha chilumbilo ni chilumbilo.

Kwalula 29:32

Ha tangwa liamuchishimbiali, yimbembe a kuji shimbiali, ni kuji a mapanga aali, ni kuji a mapanga a mwaka umuwika kumi ni awana, keshi chipa,

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.