Kwalula 22:6 - MUKANDA USANDU WA ZAMBI 1975

⁶ Kashika, tweya, ungushingile wano atu; mumu o kananguhiana; hanji munguhasa kwalamba ni kwahuma ku chifuchi; mumu ngunanyingika ngwami, Kuwahisa umwe kuli yena, iye kawaha. Kushinga umwe kuli yena, iye kashingiwa.

Mukanda Wa Zambi 1970

⁶ Kaanatuhiana kwoka, kashika tweya ungushingiloo kama. Hanji mutuhasa kwakumba ni kwahanga mu chifuchi. Ngunanyingika ngwami, atu waze wakuwahisa, kaakuwaha; ni waze wakushinga, kaakushingiwa.”

Kwalula 22:6 Iomraidhean Croise

Ubutukilo 12:3

Waze makuwahisa mungwawahisa. Yoze makushinga neye mungumushinga. Muli yena mavungu eswe a hashi kumakaawahisa.

Ubutukilo 27:29

Minyachi akakuvumbike. Mavungu akafulamane kuli yena. Ukapwe mwene helu lia usoko we. Ana ja noko akafulamane kuli yena. Mweswe makushinga neye akashingiwe, Mweswe makuwahisa neye akawahe.

1 Yitanga Ya Mianangana 22:13

Kanganda yoze wayile kusaka Mikaia yamba kuli iye ngwenyi, Tala maliji ja aprofeta eswe apwa apema kuli mwanangana—shimbi jimuwika. Kashika liji lie lipwe ngwe liji lio; hanjika kama chipema.

1 Yitanga Ya Mianangana 22:6

Chocho mwanangana wa Izalele yakungulula aprofeta hamuwika, ngwe kulakaji awana a malunga, yamba kuli ayo ngwenyi, Nguye mukwasa jita ni Ramote-Ngiliate nyi ka? O ngwo, Yénu, mumu Mwene machikunjika mu kwoko lia mwanangana.

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

Nehemia 13:2

mumu kapatwijile A-Izalele ni kulia ni meya, ahoze afwetele Mbalau akaashinge. Alioze Zambi walumwine shingo mu chiwape.

Miaso (Masamu) 109:28

Ashinge, alioze yena wahisa. Muze makatuka, sonyi mevwa alioze kavumbi ke mawahilila.

Yishima 26:2

Ngwe ndalamusepe ha kupekumioka chenyi ni kapiasa ha kuhumuka chenyi, chocho shingo lize kulishi chitela kulishi kupwila.

Ezekiel 13:6

Hanahanjika mahuza; hanatahe cha kwonga. Kakwamba ngwo, Yehova kanambe, alioze Yehova kaatumine, hindu kanafuliela ngwo, Iye makamanununa liji lietu.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Kwalula 22:12

Zambi yamba kuli Mbalau ngwenyi, Kuchi kuya no. Kuchi kushinga e atu, mumu hanaawahisa.

Kwalula 22:17

mumu kumungununangamisa ni ulemu wunji, cheswacho munwamba kuli yami kumungulinga; kashika tweyenu, mwane, nungushingile wano atu.

Kwalula 23:13

Mbalake yamba kuli iye ngwenyi, Tweya kweka hamwe ni yami, koko muhasa kwamona. Mumona atu a ku songo wika, kuchi kwamona eswe, ka. Mba kwenako ungushingilo.

Kwalula 23:27

Mbalake yamba kuli Mbalau ngwenyi, Tweya haliapwila, mungukutwala kweka; hanji muchipemena Zambi ukangushingilo kuze.

Kwalula 24:9

Yapotoka, yautama ngwe ndumba, ni ngwe ndumba wa chihwo, iya mamukatwisa? Kawaha eswe mawahisa yena. Kashingiwa eswe mashinga yena.

Yilinga 16:16

Shimbu mutuchiya kuma kwa kulembela, umwe mwanapwo ni Spiritu ya munanyi, watakanyine ni yetu, yoze wamwesene miata jenyi upite wunji ha kuhanjika munanyi.

Shimbi 23:4

Mumu te o kanunehenene kulia ni meya mu jila muze nwakatukile ku Engitu, nawa mumu te yafweta Mbalau, mwana Mbeore wa ku Petore, ya mu Mesopotamia, alimike ni yenu nikunushinga.

Yoshua 24:9

Henaho Mbalake, mwana wa Zepore, mwanangana wa Moape, wakatukile nikwasa jita ni A-Izalele. Yatuma kusaka Mbalau mwana wa Mbeore anushinge.

1 Samuel 17:43

Ka-Filistea yamba kuli David ngwenyi, Te nguli kawa, se uneza kuli yami ni mbwechi? Ka-Filistea yashinga David ni majina ja mazambi jenyi.