Kwalula 22:5 - MUKANDA USANDU WA ZAMBI 1975

⁵ Iye yatuma mikeji kuli Mbalau, mwana wa Mbeore, ku Petore, kwatwama hakamwihi ni Lwiji, ku chifuchi cha atu jenyi, mukumutambika, ngwenyi, Kunatuhuka atu ku Engitu, kumanyi, hashi hatakana no, kanatwama hatalanganyi ni yami.

Mukanda Wa Zambi 1970

⁵ yatuma tunganda ha kutambika Balame mwana wa Beore, yoze te watwama ku limbo lia Petore hehi ni lwiji Ufrateze mu chifuchi cha Amau. E tunganda yaamulweza maliji ja mwanangana ngwo: “Mbunga yinene ya limwe vungu anakatuka mu chifuchi cha Egiptu haalitanda mu chifuchi cheswe, kaanazange kutukumba.

Kwalula 22:5 Iomraidhean Croise

Ubutukilo 13:16

Chikwo nawa mungwokesa munyachi we ngwe fufuta ya hashi. Nyi mutu mahasa kwalula fufuta ya hashi mba chocho mahasa kwalula munyachi we.

Miaso (Masamu) 105:24

Wokesele chikolo atu jenyi; waatakamishine kuhiana waze alimikine no.

Kutuhuka 10:15

Mumu afukile hashi heswe, chocho chifuchi yichilá pwi. Chocho yalia yeswe ya kusoka mu yambu ni mihuko ya mitondo yize yalisalaho ku chiwe. Kukwasalile chuma cha kusoka nichimwe, chipwe mutondo, chipwe chize cha mu yambu, ka, ndusu chifuchi cheswe cha Engitu.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Kwalula 23:7

Yata chishima chino ngwenyi, Mbalake wanguchijile ku Arame, iye mwanangana wa Moape yanguchiza ku milundu ya ku Chivumbuko; Ngwenyi, Tweya, ungushingile Yakomba, tweya utenukine Izalele!

Kwalula 31:8

Yashiha mianangana a A-Mindiane, hamuwika ni afu jo akwo: ni Evi, ni Rekeme, ni Zure, ni Hure, ni Reba, mianangana atano a A-Mindiane. Yashiha nawa ni katana Mbalau, mwana wa Mbeore.

Shimbi 23:4

Mumu te o kanunehenene kulia ni meya mu jila muze nwakatukile ku Engitu, nawa mumu te yafweta Mbalau, mwana Mbeore wa ku Petore, ya mu Mesopotamia, alimike ni yenu nikunushinga.

Shimbi 23:5

Hindu, Yehova Zambi yenu katayile kupanjika kuli Mbalau, alioze Yehova Zambi yenu yalumuna shingo likapwe chiwape cha yenu mumu te Yehova Zambi yenu kanuzanga.

Yoshua 13:22

Mbalau nawa mwana wa Mbeore, mukwa munanyi, A-Izalele amushihile ni katana hakachi ka akwo aze ashihile.

Yoshua 24:9

Henaho Mbalake, mwana wa Zepore, mwanangana wa Moape, wakatukile nikwasa jita ni A-Izalele. Yatuma kusaka Mbalau mwana wa Mbeore anushinge.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.