Kwalula 22:18 - MUKANDA USANDU WA ZAMBI 1975

¹⁸ Mbalau yakumbulula kuli ngamba a Mbalake ngwenyi, Chipwe Mbalake mangwaha zuwo lienyi lia tò ni prata ni oru, chichi kazomboka liji lia Yehova Zambi yami, chipwe ha kulinga chikepe, chipwe chinji, ka.

Mukanda Wa Zambi 1970

¹⁸ Alioze Balame yaakumbulula ngwenyi: “Chibwe Balake angwehe prata ni oru yeswe ya mu zuwo lienyi lia wanangana, yami chahashile ku kolema maliji ja Mwene Zambi yami chibwe hakepe.

Kwalula 22:18 Iomraidhean Croise

1 Yitanga Ya Mianangana 13:8

Mutu wa Zambi yamba kuli mwanangana ngwenyi, Chipwe munungwaha chihanda cha ha muchima cha zuwo lienu chichi kuya ni yenu chipwe kulia chipwe kunwa kuma kuno.

1 Yitanga Ya Mianangana 22:14

Mikaia ngwenyi, Ni mwono wa Yehova, cheswacho Yehova mangwamba chenacho munguhanjika.

2 Sango Ja Mianangana 18:13

Alioze Mikaia yamba ngwenyi, Ni mwono wa Yehova chize Zambi yami mahanjika chenacho mungwamba.

Jobe 3:15

Kachi napombele ni alemu akwa kupita oru; akwa kuzalisa mazuwo jo ni prata.

Daniel 5:17

Daniel yakumbulula kumeso ja mwanangana ngwenyi, Yawana yenu yitwame kuli yenwene, ni kwononona chenu achihane kuli mweka, hindu mungutangila mwanangana je sona ni kunulweza ulumbunwiso wajo.

Kwalula 22:19

Kashika, mwane, twamenu kuno ufuku uno nawa, hanga ngunyingike chize chikwo Yehova mangwamba.

Kwalula 22:38

Mbalau yamba kuli Mbalake ngwenyi, Kutala! Hineza kuli yena. Alioze te mungupwa ni tachi ja kuhanjika liji limwe? Lie liji Zambi masa mu kanwa liami lienalio munguhanjika.

Kwalula 22:8

Iye yamba kuli ayo ngwenyi, Twamenu kuno ufuku uno, mba mungunwambulwila nawa chizechene ngwe Yehova mangwamba. Miata a Moape yatwama hamwe ni Mbalau.

Kwalula 23:26

Hindu Mbalau yakumbulula kuli Mbalake ngwenyi, Chakwambile ngwami, Yeswe Yehova mamba changutamba kulinga nyi?

Kwalula 24:12

Mbalau yamba kuli Mbalake ngwenyi, Te chambile kuli mikeji je waze waatumine kuli yami ngwami,

Kwalula 24:13

Kachi Mbalake mangwaha zuwo lienyi lia tò ni prata ni oru, chichi kuzomboka liji lia Yehova, mukulinga chipema, hanji chipi, cha ku mbunge ya yami mwene, ka; cheswacho mamba Yehova chenacho mungwamba yami.

Yilinga 8:20

Petulu wambile kuli iye ngwenyi, Prata je jikatoke hamwe ni yena, mumu hiwashinginyeka kuzuka chawana cha Zambi ni mbongo.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Yoshua 24:10

Alioze yami chapanjikile kuli Mbalau, kashika anuwahishile. Chocho nanupulwile ku kwoko lienyi.