Kwalula 22:12 - MUKANDA USANDU WA ZAMBI 1975

¹² Zambi yamba kuli Mbalau ngwenyi, Kuchi kuya no. Kuchi kushinga e atu, mumu hanaawahisa.

Mukanda Wa Zambi 1970

¹² Zambi yambila Balame ngwenyi: “Kanda uya no chibwe kanda ushinga Aisraele, mumu hingunaawahisa.”

Kwalula 22:12 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

2 Sango Ja Mianangana 31:10

Azaria sasendote mukwa lutwe, wa ku munyachi wa Zadoke yamukumbulula ngwenyi, Chize ha tangwa atu aputukile kuneha milambu mu zuwo lia Yehova, etu twakulia ni kukuta, kulia chalisalaho. Mumu Yehova hawahisa atu jenyi, mba chize chalisalaho chapwa kulumbama chino.

Miaso (Masamu) 144:15

Kawaha e atu apwa chocho. Ewa kawaha atu aze akwete Zambi yo Yehova.

Miaso (Masamu) 146:5

Kawaha yoze uli ni Zambi ya Yakomba kumukwasa; kutalatala chenyi chili muli Yehova Zambi yenyi,

Izaya 61:9

Ana jo makaanyingika hakachi ka mavungu; waze masemuka kuli ayo makaanyingika hakachi ka minyachi. Waze eswe makaamona makaatayiza ngwo, Atu a kuwahisa kuli Yehova.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Kwalula 22:11

Hashi heswe hanatakana ni atu aze atuhukile ku Engitu, tweya haliapwila ungushingilo; hanji munguhasa kwasa no jita ni kwahuma.

Kwalula 22:13

Mbalau yahinduka chimenemene mbwi, yamba kuli miata a Mbalake ngwenyi, Yénu ku chifuchi chenu, mumu Yehova kasolo kungutayiza kuya ni yenu.

Kwalula 22:6

Kashika, tweya, ungushingile wano atu; mumu o kananguhiana; hanji munguhasa kwalamba ni kwahuma ku chifuchi; mumu ngunanyingika ngwami, Kuwahisa umwe kuli yena, iye kawaha. Kushinga umwe kuli yena, iye kashingiwa.

Kwalula 23:23

Chamwenemwene kupanda chakuhi hali Yakomba, chipwe kutaha kuchishiko hali Izalele. Haliapwa machihanjika hali Yakomba ni hali Izalele ngwo, Yuma yipwa haha Zambi hanalingi!

Kwalula 23:3

Mbalau yamba kuli Mbalake ngwenyi, Umanyine yena ku mulambu we wa kulumba, yami munguya; hanji Yehova meza mukutakana ni yami; cheswacho mangulweza, yami mungukwambulwilacho. Mba iye yaya ku mulundu umwe.

Kwalula 23:8

Ngwe kuchi mungushinga umwe Zambi kamushingile? Ngwe kuchi mungutenukina umwe Yehova kamutenukinyine?

Kwalula 24:9

Yapotoka, yautama ngwe ndumba, ni ngwe ndumba wa chihwo, iya mamukatwisa? Kawaha eswe mawahisa yena. Kashingiwa eswe mashinga yena.

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

A-ROMA 11:29

Mumu yawana ya vumbi ni kutambika cha Zambi keshi kulikonyekayo.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Shimbi 23:5

Hindu, Yehova Zambi yenu katayile kupanjika kuli Mbalau, alioze Yehova Zambi yenu yalumuna shingo likapwe chiwape cha yenu mumu te Yehova Zambi yenu kanuzanga.

Shimbi 28:6

Munukawaha ha kunjilanjila, munukawaha ha kutuhwoka.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

Shimbi 7:14

Makanuwahisa kuhiana mavungu eswe. Kuhechi kapwa hakachi kenu mumba niumwe, chipwe lunga, chipwe pwo, chipwe hakachi ka yimuna jenu.