Kwalula 21:9 - MUKANDA USANDU WA ZAMBI 1975

⁹ Mose yafula kapela wa unengu, yamunangika ha mutondo usuku. Chapwile, nyi kapela wasumine mutu mweswawo, muze atalile kuli kapela wa unengu, yatwama ni mwono.

Mukanda Wa Zambi 1970

⁹ Mba Mose yafula kapela wa unengu, yamuzezeleka ha mutondo. Mweswe yoze aasumine nyi hatala kuli mwe kapela wa unengu yahinduka.

Kwalula 21:9 Iomraidhean Croise

1 MIANANGANA 18:4

Wachijile manangamo; wapalwile tuponya; watetele Ashera; wafwenyene kapela wa unengu yoze Mose alingile; mumu ndo matangwa aze A-Izalele amwochelele insensu. Aye wamulukile jina ngwenyi, Nehushitana.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 12:32

Nyi kachi manguzundula hashi, kachi mungukakoka atu eswe kuli yami mwene.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

A-ROMA 1:17

Mumu ululi wa Zambi kanausololamo wa kukatuka ku Ufulielo, wa kutwala ku Ufulielo: ngwe chinasonewa ngwo, Alioze mukwa ululi kumakenda ku Ufulielo.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.