Kwalula 21:7 - MUKANDA USANDU WA ZAMBI 1975

⁷ Atu yaheta kuli Mose, yamba ngwo, Hitwavulumuna, mumu twahanjikanga nikulimika ni Yehova ni kulimika ni yena. Ulembe kuli Yehova, atuchize e tupela. Mose yalembela e atu.

Mukanda Wa Zambi 1970

⁷ Atu yeeza kuli Mose, yaamba ngwo: “Mala! Hitwavulumuna, hitwalimika ni Zambi ni yena Mose. Haliabwila lemba kuli Mwene Zambi achize tupela wano.” Mose yalembela atu Zambi,

Kwalula 21:7 Iomraidhean Croise

Ubutukilo 20:17

Mba Apalahama yalemba kuli Zambi, Zambi yawuka Apimeleke, ni mukwo-pwo, ni ndungo jenyi a mapwo, yasema ana.

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

1 Yitanga Ya Mianangana 13:6

Mba mwanangana yakumbulula yamba kuli mutu wa Zambi ngwenyi, Lembelela vumbi lia Yehova Zambi ye ungulembele kama kwoko liami likahinduke nawa. Mutu wa Zambi waliumbile kuli Yehova mba kwoko lia mwanangana yilihinduka lialumukine ngwe liapwile kunyima.

1 MIANANGANA 13:4

Alioze Jehoahaze yalemba kuli Yehova mba Yehova yapanjika kuli iye mumu ha kumona luyinda wa A-Izalele chize mwanangana wa Seria waayindamishine.

Jobe 42:10

Mba Yehova yahilwisa kuwaha cha Jo muze iye halembela akwo. Yehova yamwaha yisuho yiali ya chize apwile nacho kushi.

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Miaso (Masamu) 106:23

Kashika wambile kwaonwona kachi Mose yoze wamutongwele kamanyine kumeso jenyi mu chituwa akatewulule ufwatulo wenyi kuchina akaenyeke.

Miaso (Masamu) 78:34

Muze aashihile mba ahulile ha kutwala kuli iye. Ahilukile nikufupa Zambi ni mbunge yeswe.

Kutuhuka 10:17

Haliapwila kashika, mwane, nukonekene kama mutonga wami, chichi kuhilukilamo, Liumbenu kuli Yehova Zambi yenu akanguchize kufwa chino.

Kutuhuka 32:11

Mose yamba kuli Yehova Zambi yenyi ngwenyi, Yehova, kuchi te utenu we unasasaminya hali atu je, waze waachijile ku chifuchi cha Engitu ni tachi jinji, ni kwoko lia ndundo?

Kutuhuka 32:30

Mba ha kucha, Mose yamba kuli atu ngwenyi, Hinwavulumuna mulonga unene, haliapwila mungukanduka kuli Yehova, hanji munguhasa kufuka shili yenu.

Kutuhuka 8:28

Falau yamba ngwenyi, Mungunwecha nuye, nukalambule kuli Yehova Zambi yenu yitapo mu puya; chino wika, kanda nuya kusuku. Liumbenu hali yami.

Kutuhuka 8:4

E yula-ya-mbwota meza kunyina ni hali yenu, ni hali atu je, ni hali ngamba je eswe.

Kutuhuka 8:8

Mba Falau yasanyika Mose ni Arone, ngwenyi, Liumbenu kuli Yehova anguchize yula-ya-mbwota kuli yami, ni kuli atu jami, mba mungukecha e atu aye akalambule yitapo kuli Yehova.

Izaya 26:16

Mu lamba lio akufupile yena Yehova, alembelelele ni tachi muze te yena unaafumbu.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 37:3

Mwanangana Zedekia yatuma Jukale mwana Shelemia, ni sasendote Zefania mwana Maseia kuli profeta Jeremia ngwenyi, Utulembele kuli Yehova Zambi yetu.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Kwalula 11:2

E atu yateta kuli Mose. Mose yalemba kuli Yehova, mba ke kahia yikakeketela.

Mateu 27:4

Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

Yilinga 8:24

Semone wakumbulwile ngwenyi, Ngulembelenu kuli Mwene, hanga nichimwe cha yuma yino hiwamba kuchichi keza hali yami.

A-ROMA 10:1

Mandumbu, che kuzanga cha mbunge yami, ni kuliumba chami kuli Zambi hali ayo, hanga akaalamwine.

Shimbi 9:20

Yehova yatenukina chinji Arone, yamba kumushiha. Yingulembela Arone nawa shimbu lioliene.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

1 Samuel 15:24

Saulu yamba kuli Samuel ngwenyi, Hingunavulumuna, mumu hinatangula shimbi ja Yehova ni maliji jenu nawa, mumu nevwilile woma e atu nikupanjika ku liji lio.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.