Kwalula 21:5 - MUKANDA USANDU WA ZAMBI 1975

⁵ Atu ahanjikile nikulimika ni Zambi, ni kulimika ni Mose ngwo, Kuchi te nwatuchijile ku Engitu? Kumanyi, tufwile mu puya nyi? Mumu kulia kuchishiko, ni meya akuhi. Mbolo yino yamokomoko, hiyatusekela.

Mukanda Wa Zambi 1970

⁵ yaalimika ni Zambi ni Mose, yaalinyenga ngwo: “Mumu yika nwatutuhwishile mu chifuchi cha Egiptu hanga tufwile mu puya yino, muze kumushi yakulia ni meya? Yakulia yamokomoko hiyatusekela!”

Kwalula 21:5 Iomraidhean Croise

Miaso (Masamu) 68:6

Waze atwama ukawo Zambi kakwatwamisa mu majiko ni akwo. Kakuneha funge ku upite wa kulumbama, alioze akwa kukolema kakutwama mu chifuchi chumu chau.

Miaso (Masamu) 78:19

Ewa, ahanjikile cha kulimika ni Zambi. Ambile ngwo, Te Zambi mahasa kutwalila mesa mu puya?

Kutuhuka 14:11

O ambile kuli Mose ngwo, Te ku Engitu mafuka keshiko nyi, kashika hiwatuchiza, tukafwile muno mu puya? Kuchi te watulinga chize, ha kutuchiza ku Engitu?

Kutuhuka 15:24

E atu alinyenyetene ni Mose ngwo, Yika mutunwa?

Kutuhuka 16:15

Muze A-Izalele achimwene, yaliamba umwe kuli mukwo ni mukwo ngwo, Acho chika? Mumu kanyingikine chize chipwa. Mose yamba kuli ayo ngwenyi, Yino mbolo yize Yehova hanwaha nukalie.

Kutuhuka 16:31

Mba A-Izalele yachiluka jina, ngwo, Mana. Te yapwile ngwe mbuto ya koentru, yitoma. Kupanjika chayo ngwe likemba lia kuchinga ni wuchi.

Yishima 27:7

Yoze wakuta, chishila cha wuchi muchimuzelwokesa; alioze kuli mukwa zala yuma yeswe yisasu muyipwa yiyema.

Ezekiel 20:21

Alioze ana yangukatukila, kendele mu yiyulo yami, katalile kanawa kufunga shimbi jami jize atu kakutwama ni mwono ha kujifunga. Ajilwile masambata jami. Yingunyonga kwazukwila ufwatulo wami ni kuhwisa utenu wami hali ayo mu puya.

Kwalula 11:20

Alioze kakweji mweswe, ndo ye yifwo muyikatuhuka ku mazulu jenu. Kumuyikanusekela, se hinwalituna Yehova yoze watwama hakachi kenu, se hinwalila kumeso jenyi ngwenu, Yika te twakatukile ku Engitu?

Kwalula 16:41

Mukwachako chikungulwila cheswe cha A-Izalele yalinyenyeta hali Mose ni hali Arone ngwo, Hinwashiha atu a Yehova.

Kwalula 17:12

A-Izalele yamba kuli Mose ngwo, Kutwafwa, kutwatoka, yetu eswe kutwatoka.

1 Korintu 10:9

Chipwe kanda tukeseka Kristu ngwe amwe a kuli ayo esekele, mba aonwene kuli tupela.