Kwalula 21:34 - MUKANDA USANDU WA ZAMBI 1975

³⁴ Yehova yamba kuli Mose ngwenyi, Kanda umuvwila woma, mumu hinamukunjika mu kwoko lie, ni atu jenyi eswe, ni chifuchi chenyi. Yena ulinge kuli iye chizechene ngwe walingile kuli Sahone, mwanangana wa A-Amore, yoze Watwamine ku Heshebone.

Mukanda Wa Zambi 1970

³⁴ Mwene Zambi yambila Mose ngwenyi: “Kanda numuvwila woma, mungunukwasa ha kumukumba hamwe ni atu jenyi eswe, ni kutambula che chifuchi chenyi. Mulingenu ngwe chize nunakalinga Sihone, mwanangana wa Aamore, yoze te wakuyula mu Heshbone.”

Kwalula 21:34 Iomraidhean Croise

2 Samuel 5:19

David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

1 Yitanga Ya Mianangana 20:13

Umwe profeta yakundama kuli Ahabe mwanangana wa Izalele ngwenyi, Yehova kanambe ngwenyi, Wamona chihuji chino chinene nyi? Mba musono munguchikunjika mu kwoko lie ukanyingike—Yami, Yehova.

1 Yitanga Ya Mianangana 20:28

Umwe mutu wa Zambi yakundama yahanjika ni mwanangana wa Izalele ngwenyi, Yehova kanambe ngwenyi, Mumu A-Seria hamba ngwo, Yehova iye umwe zambi ya milundu, hi zambi ya yana ko; kashika mungukunjika chihuji chino chinene cheswe mu kwoko lie ukanyingike-Yami, Yehova.

1 MIANANGANA 3:18

Chuma chino chilelu kumeso ja Yehova; kumakakunjika A-Moape mu moko jenu nawa.

Izaya 41:13

Mumu yami Yehova Zambi ye, ngunakukwata ku kwoko lie lia chindume; yami mwene ngunambe kuli yena ngwami, Kanda wivwa woma, mungukukwasa.

Kwalula 14:9

Chuma chimuwika, kanda nukolema Yehova, chipwe kanda nuvwila woma atu atwama mu chifuchi, o kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.

Kwalula 32:4

chifuchi chize Yehova walambile kumeso ja chikungulwila cha A-Izalele, kuchapwa chifuchi cha yimuna; ndungo jenu kali ni yimuna.

Shimbi 2:30

Alioze Sahone mwanangana wa Heshebone katutayijile kupalika kuli iye, mumu te Yehova Zambi yenu yakalisa manyonga jenyi, yamwaha pami mu mbunge yenyi, hanga amukunjike mu moko jenu, ngwe ha tangwa lino.

Shimbi 20:3

ambe kuli ayo, ngwenyi, Enu A-Izalele, ivwenu, musono nunakundama mukwasa jita ni akwa kole jenu, mbunge jenu kanda jilezumuka, chipwe kwivwa woma ka, chipwe kanda nuchikima, chipwe kanda nususuka mumu hali ayo;

Shimbi 3:1

Henaho yitulikonda, yitukanduka ku jila yinayi ku Mbashane. Oge, mwanangana wa Mbashane, yatuhuka ni kulimika ni yetu, iye ni atu jenyi eswe, mukwasa jita ku Endreya.

Shimbi 3:11

Mumu Oge Mwanangana wa Mbashane wika ukawenyi wasalile wa ku masalilo ja A-Refane. Kutala! Muhela wenyi wapwile wa utale; uli mu Raba lia kuli A-Amone. Usuhe wawo te mbandu livwa, utohe wawo ngwe mbandu jiwana, nikulita ni cheseko cha mutu.

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Shimbi 7:17

Kachi yenu munwamba mu mbunge jenu ngwenu, Mavungu hoka, anatuhiana yetu. Ngwe kuchi mutuhasa kwatambula chifuchi?

Shimbi 7:18

Kanda nukaavwila woma. Iwulukenu kanawa yize alingile Yehova Zambi yenu kuli Falau, ni kuli A-Engitu eswe,

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

Shimbi 7:24

Iye kumakakunjika mianangana jo mu moko jenu; enu kumunukajimisa majina jo kushi lia malilu, kukuchi kapwa mutu niumwe wa kumana kumeso jenu, ndo munukaonwona.

Yoshua 10:25

Yoshua yamba kuli ayo ngwenyi, Kanda nwivwa woma hanji mwongo. Takamenu, hamukenu, mumu chocho Yehova malinga kuli akwa kole jenu eswe waze nwalinwa no.

Yoshua 10:8

Yehova yamba kuli Yoshua ngwenyi, Kanda wavwila woma mumu hinaakunjika mu moko je. Kechi kumana kumeso je, chipwe lunga umuwika.

Yoshua 8:7

Henaho yenu munukatuka kuze nunajikinyina, nukatambule che chihunda, mumu Yehova Zambi yenu makanwahacho mu kwoko lienu.

Akwa Kuyula 11:30

Jefeta yalishinga kuli Yehova ngwenyi, Nyi mukunjika A-Amone mu kwoko liami,

1 Samuel 23:4

David yahula Yehova cheka nawa mba Yehova yamukumbulula ngwenyi, Katuka, palumuka ku Kela mumu mungukunjika A-Filistea kuli yena.