Kwalula 20:12 - MUKANDA USANDU WA ZAMBI 1975

¹² Yehova yamba kuli Mose ni Arone ngwenyi, Mumu te kunwafulielele yami, mukungusela ku usandu kumeso ja A-Izalele, kashika kunuchi kahetesa chino chikungulwila ku chifuchi hingunaahecho.

Mukanda Wa Zambi 1970

¹² Alioze Mwene Zambi yambila Mose ni Arone ngwenyi: “Mumu kunwangufulielele ni kungulemesa ngwe munangi ku meso ja Aisraele, ha chino kunuchi kuhetesa akwa Chikungulwila chino mu chifuchi chize naalakenyene kwaaha.”

Kwalula 20:12 Iomraidhean Croise

2 Sango Ja Mianangana 20:20

Yahinduka chimenemene, yaya ku puya ya Tekoa, mba shimbu machituhuka Yehosofate yamana, yamba ngwenyi, Enu A-Yunda ni yenu A-Yerusaleme ngwivwenu. Jikijilenu hali Yehova Zambi yenu, chocho munukola; fulielenu aprofeta jenyi, chocho yuma yenu muyiwaha.

Miaso (Masamu) 106:32

Amwihile nawa ku meya ja Meripa, chocho chipi chejile kuli Mose mumu hali ayo.

Miaso (Masamu) 99:8

Yehova Zambi yetu, yena waakumbulwile; yena wapwile Zambi mukwa kwakonekena, chipwe wapwile mukwa kwalambila yilinga yo.

Izaya 7:9

Ni mutwe wa Eframe Samaria, ni mutwe wa Samaria mwe mwana Remalia. Nyi kunuchi kufuliela, pundu kunuchi kukola.

Izaya 8:13

Alioze Yehova-wa-Tujita, iye mukamumona mwe musandu. Ukamuvwile woma iye; ukamuvwile mwongo iye.

Ezekiel 20:41

Mungukanutambula ngwe lupembo mupema muze mungukanuchiza hakachi ka mavungu ni kunukonga ku yifuchi kuze nwamwanganyinyine. Mungukasolola usandu wami hakachi kenu kumeso ja akwa mavungu.

Ezekiel 36:23

Mungukasolola usandu wa jina liami linene lize hanalijilula hakachi ka mavungu, ni yenu nawa hinwalijilula hakachi ko. Mba mavungu makanyingika yami nguli Yehova muze mungusolola usandu wami kumeso jo muli yenu. Chocho kanambe Mwene Yehova.

Ezekiel 38:10

Mwene Yehova kanambe ngwenyi, Ha tangwa lize manyonga makeza mu mutwe we, ni yena mukataka chuma chipi,

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Kwalula 11:15

Nyi mulinga chocho kuli yami ungushihe haliapwila, nyi nawana vumbi kumeso je. Kanda ngumona lamba lino lia yami.

Kwalula 20:24

Kumatwala Arone kuli atu jenyi; mumu iye kechi kanjila mu chifuchi nahanyine kuli A-Izalele, se nwakolemene liji liami ku meya a Meripa.

Kwalula 27:14

Mumu te nwakolemene liji liami mu puya ya Zini ha kulitachika cha chikungulwila, ha chikuma cha kungusela ku usandu ku chikuma cha meya kumeso jo. Meya ano, meya a Meripa ku Kandeshe mu puya ya Zini.

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Luka 1:20

Mba tala, kumuhola kulungunga, kuchi kuhasa kuhanjika ndo tangwa lize yino yuma muyipwa, mumu kwafulielele maliji jami, eno kumakamanunuka ha mwaka wo.

Luka 1:45

Kawaha yoze wafulielele, mumu kumanunuka kumuchikapwa cha yuma yize hanahanjika Mwene kuli iye.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

A-ROMA 4:20

hindu, se watalile ku chilakenyo cha Zambi, kayambashanyine akahone Ufulielo, alioze walikolezele ku Ufulielo nikuchichimieka Zambi.

Shimbi 1:37

Yehova yangutenukina nawa mumu hali yenu ngwenyi, Ni yena nawa kuchi kunjilamo.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Shimbi 4:21

Chikwo nawa, Yehova yatenuka ni yami mumu hali yenu, yalishinga ngwenyi, Kuchi kuzauka Yordau hanji kunjila mu chifuchi chize chipema, Yehova Zambi yenu ananwehecho, chikapwe chihinga.

Yoshua 1:2

Kavumbi kami Mose hafwa, kashika katuka uzauke Yordau yono, ni yena ni wano atu eswe, nukanjile mu chifuchi chize ngunahane kuli A-Izalele.

1 Petulu 3:15

aiioze Selenu Kristu ngwe mwe Mwene mu mbunge jenu: nukalulike matangwa eswe mukuhana kumbululo kuli mweswe manwita chikuma cha kutalatala chize chili muli yenu, hindu ni kushimbika ni woma.