Kwalula 2:3 - MUKANDA USANDU WA ZAMBI 1975

³ Ku sali lia ku Chivumbuko kutalikisa ku utuhukilo wa tangwa kukapwe mbandeira ya chilombo cha Yunda, nikulita ni yizavu yo. Nasone mwana Aminandambe akapwe mwata wa A-Yunda.

Mukanda Wa Zambi 1970

^3-9 Musumba wa Yuda ni bendelo lio muukabwa ku sali lia chivumbuko, nikulita ni mbunga yo: Vungu Mwata wa jimo Kwoka cho Yuda Nasone mwana wa Aminadabe 74,600 Isakare Netanele mwana wa Zuare 54,400 Zabulone Eliabe mwanawa Helone 57,400 Malunga eswe: 186,400 Mbunga ya tujita twa Yuda e maakatetekela.

Kwalula 2:3 Iomraidhean Croise

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

Ubutukilo 35:23

Ana ja Liya, Rupene, mutangu wa Yakomba, ni Simeone, ni Levi, ni Yunda, ni Isaka, ni Zapulone.

1 Sango Ja Mianangana 2:10

Rame yasema Aminandambe; Aminandambe yasema Nasone mwata wa A-Yunda.

1 Sango Ja Mianangana 5:2

Yunda wakumbile ayayo ni ana-akwo. Kuli iye kwatuhukile mukwa-kuyula, hindu wata wapwile wa José).

Kutuhuka 6:23

Mba Arone wambachile Eleshipa, mwana wa pwo wa Aminandambe, pangi ya Nashone. Iye yasema nenyi Nandambe, ni Ambihu, ni Eleazare, ni Itama.

Kwalula 1:5

Majina a malunga makamana hamwe ni yenu wano: wa kuli Rupene, Elizure mwana Sedure;

Kwalula 1:7

wa kuli Yunda, Nasone mwana Aminandambe;

Kwalula 10:5

Muze munwimba chitavwi cha kutoweza, mba akwa yilombo atwama ku sali lia ku Chivumbuko akaye kulutwe.

Kwalula 2:4

Chizavu chenyi a kwalula yapwa makumi shimbiali a tununu ni tununu awana ni kulakaji asambano.

Kwalula 3:38

Akwa kujikila mbalaka jo kulutwe lia tabernakulu ku sali lia ku Chivumbuko, kwe kulutwe lia mbalaka ya chikungulwila, ku Chivumbuko cha tangwa akapwe Mose ni Arone ni ana jenyi a malunga, akalayile yuma ya muma musandu, akalayile A-Izalele. Nyi mukukundama umwe mukwo, akamushihe.

Kwalula 7:12

Yoze walambwile mulambu wenyi ha tangwa litangu yono: Nasone, mwana wa Aminandambe, wa ku munyachi wa Yunda.

Kwalula 7:17

Yitapo ya milambu ya sambukila yapwile ya ngombe aali, ni kuji a mapanga atano, ni kuji a pembe atano, ni kuji a mapanga atano a mwaka umuwika; uno wapwile mulambu wa Nasone, mwana wa Aminandambe.

Mateu 1:4

rame wasemene Aminandambe; Aminandambe wasemene Nasone; Nasone wasemene Salamone;

Rute 4:20

Aminandambe yasema Nasone, Nasone yasema Salamone,