Kwalula 2:18 - MUKANDA USANDU WA ZAMBI 1975

¹⁸ Ku sali lia ku Chitokelo kukapwe mbandeira ya chilombo cha Eframe, nikulita ni yizavu yo. Elisama mwana Amihude akapwe mwata wa A-Eframe.

Mukanda Wa Zambi 1970

^18-24 Musumba wa Efraime ni bendelo lio muukabwa ku sali lia chitokelo nikulita ni mbunga yo: Vungu Mwata wa jimo Kwoka cho Efraime Elishama mwana wa Amihude 40,500 Manase Gamaliele mwana wa Pedazure 32,200 Benjamine Abidane mwana wa Gideoni 35,400 Malunga eswe: 108,100 Mbunga ya tujita twa Efraime maakakaula mbunga ya muchaali.

Kwalula 2:18 Iomraidhean Croise

Ubutukilo 48:5

Haliapwila ana je aali a malunga waasemene mu Engitu shimbu kanda nguchiheta kuli yena mu Engitu, ngwami, Eframe ni Manase ninyami chimuwika ngwe Rupene ni Simeone.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Kwalula 1:10

wa kuli ana a malunga a José, wa kuli Eframe, Elisama mwana Amihude; wa kuli Manase, Ngamaliele mwana Pedazure;

Kwalula 1:32

A-José, te A-Eframe, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

Kwalula 10:22

Mbandeira ya chilombo cha A-Eframe yiyikatuka nikulita ni yizavu yo. Kasongo ka chizavu cho iye Elisama, mwana wa Amihude.

Kwalula 2:19

Chizavu chenyi a kwalula yapwa makumi awana a tununu ni kulakaji atano.

Kwalula 7:48

Ha tangwa liamuchishimbiali Elisama, mwana wa Amihude, mwata wa A-Eframe.

Kwalula 7:53

Yitapo ya milambu ya sambukila yapwile ya ngombe aali, ni kuji a mapanga atano, ni kuji a pembe atano, ni kuji a mapanga atano a mwaka umuwika; uno wapwile mulambu wa Elisama, mwana wa Amihude.

Shimbi 33:17

Uhenya wenyi wapwa ngwe ngombe yenyi wa kuji mutangu kusemuka, mbinga jenyi japwa ngwe ja mbau mashinjika najo mavungu, e eswe lume, ndo ku masongo a hashi. Chocho apwa kumi lia tununu a Eframe ni tununu twa Manase.