Kwalula 19:9 - MUKANDA USANDU WA ZAMBI 1975

⁹ Mutu umwe unapeme akakunge uto wa mwe chimbembe hikuutulika haze lia chilombo homa hapema, akaufungile chikungulwila cha A-Izalele mukulinga nawo meya a kupemesa no luchisa. Kuwapwa wa kupemesa nawo luchisa wa shili.

Mukanda Wa Zambi 1970

⁹ Mba umwe lunga yoze kalichishile, akunge uto wa mwe chimbembe ni kuusa homa habema haze lia musumba, kuze akuufungila, Chikungulwila cha Israele ha kululika nawo meya akubemesa akwa luchisa. Chimbembe kali mulambu wa kuchiza nawo milonga.

Kwalula 19:9 Iomraidhean Croise

Alevi 15:20

Heswaho makapomba ha kuhandunuka chenyi muhakapwa ha luchisa. Heswaho makatwama muhakapwa ha luchisa.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Kwalula 19:13

Mweswawo makwata ku mufu, te ku mujimba wa mutu wa kufwa, kalipemesene, iye kumakachisa tabernakulu ya Yehova. Mwe mutu akamutete kuli A-Izalele; mumu te kamusapwilile e meya a kupemesa no luchisa. Iye kumakapwa wa luchisa. Luchisa wenyi uchili hali iye.

Kwalula 19:17

Hali akwa luchisa, akande uto umwe wa ku mulambu wa kupemesa luchisa, yoze ochele, hikuwezaho meya enda mu chikwachilo.

Kwalula 19:18

Mukwa kupema akande hisope hikuyichupika mu e meya, akaasapwile ha mbalaka ni ha yikashi yeswe, ni hali atu apwangamo, ni hali mutu wakwatanga ku chifwaha, hanji kuli mutu wa kushiha ni katana, hanji kuli mufu, hanji ku fuka limwe.

Kwalula 19:3

Nukamuhane kuli sasendote Eleazare, iye akamutwale haze lia chilombo, mba akamushihe kumeso jenyi.

Kwalula 19:8

Mukwa kumwocha akakose mazalo jenyi ni meya, akasane meya ku mujimba wenyi, iye akapwe wa luchisa ndo ha chingoloshi.

Kwalula 6:12

Iye akalihandunwine kuli Yehova ha matangwa a kulihandununa chenyi. Akatwale kuji ya panga wa mwaka umuwika akapwe mulambu wa uhie. Alioze matangwa a kunyima matoka mumu te kulihandununa chenyi hichapiha.

Kwalula 8:7

Chocho ukalinge kuli ayo mukwapemesa. Ukaasapwile meya a kupemesa ku shili. Akatewule ni tewula mijimba yo yeswe. Akakose mazalo jo, akalipemese.

Kwalula 9:13

Alioze yoze unapeme, nyi keshi mu wenyi hindu machina kufunga Chizomboka, akatete yoze mutu hakachi ka atu jenyi, mumu kalambwile mulambu wa Yehova ha mwaka wacho wa kutongola; akambate mulonga wenyi.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

Hebreu 9:13

Mumu kachi manyinga ja pembe ni ja kuji lia ngombe ni uto wa chimbembe wa kusapwila waze hanapu ni luchisa, muyisela ku usandu ha kupemesa cha musunya;