Kwalula 19:22 - MUKANDA USANDU WA ZAMBI 1975

²² Cheswacho mukwa luchisa makwata chikapwe cha luchisa. Mweswawo machikwata akapwe wa luchisa ndo ha chingoloshi.

Mukanda Wa Zambi 1970

²² Cheswacho muchikwata mukwa luchisa chili cha luchisa, ni mweswawo makwata Chuma chize akwatanga mukwa luchisa mabwa wa luchisa ndoo ku chingoloshi.”

Kwalula 19:22 Iomraidhean Croise

Hagai 2:13

Mba Hagaia yamba ngwenyi, Nyi umwe wapwa wa luchisa ha kusunga mujimba wa mufu mba makwata ku yimwe ya yino, muyipwa ya luchisa nyi? Asasendote yakumbulula ngwo, Muyipwa ya luchisa.

Alevi 7:19

Yifwo yize muyikakwata ha chuma cha luchisa kanda ayilia, akayoche ni kahia, alioze mweswe kanapeme mahasa kulia ye yifwo.

Alevi 15:5

Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi.

Alevi 5:2

Nyi umwe hakwata chuma cha luchisa, chipwe mujimba wa kashitu wa luchisa yoze hafwa kulu, hanji mujimba wa chimuna wa luchisa, hanji wa mukwa kukalala wa luchisa, chipwe kachinyingikine, halichisa, hahia.

Alevi 5:3

Chipwe hakwata ku luchisa wa mutu, luchisa wenyi mweswawo wa kuchisa mutu, alioze kachinyingikine, muze machinyingika, mba hahia.

Alevi 7:21

Nyi umwe makakwata chimwe cha luchisa, chipwe luchisa wa mutu, hanji kashitu wa luchisa, hanji luchisa wa lwaji, mba chocho makalia yifwo ya chitapo cha mulambu wa sambukila wa Yehova, makamuteta kuli atu jenyi.

Alevi 22:5

mweswawo makwata kashitu mukwa kukalala yoze mahasa kumuchisa, hanji makwata mutu yoze mahasa kumuchisa, luchisa wenyi akapwe mweswawo,

Alevi 22:6

mweswawo makwata umwe hakachi ka wano akapwe wa luchisa ndo chingoloshi. Mba kanda alia yuma yisandu ndo hasanyisa mujimba wenyi mu meya.

Alevi 15:1

Yehova yamba kuli Mose ni Arone ngwenyi,

Alevi 15:6

Mweswawo matwama ha chuma cheswacho kuze mwe mukwa musongo wa kuhita hatwama akakose mazalo jenyi, akasane meya, mba mapwa wa luchisa ndo chingoloshi.

Alevi 15:7

Mweswawo makwata ku mujimba wa mukwa kuhita akakose mazalo jenyi, akasane meya, mba mapwa wa luchisa ndo chingoloshi.

Alevi 15:8

Nyi mukwa musongo wa kuhita mafwila mate hali umwe mupema iye makakosa mazalo jenyi, akasane meya, mba mapwa wa luchisa ndo chingoloshi.

Alevi 15:10

Mweswawo makwata chuma cheswacho hichapwa kushi lienyi, kumapwa wa luchisa ndo chingoloshi, ni mweswawo makambata chuma chize, akakose mazalo jenyi, akasane meya, mba mapwa wa luchisa ndo chingoloshi.

Alevi 15:11

Mweswawo mwe mukwa kuhita makwata kanda achikosongona moko jenyi ni meya, akakose mazalo jenyi, akasane meya, mba mapwa wa luchisa ndo chingoloshi.

Alevi 15:21

Mweswawo makwata ku muhela wenyi, akakose mazalo jenyi, akasane meya, akapwe wa luchisa ndo chingoloshi.

Alevi 15:22

Mweswawo makwata chimwe chuma haze pwo hatwama, akakose mazalo jenyi, akasane meya, akapwe wa luchisa ndo chingoloshi.

Alevi 15:23

Chipwe muhela, hanji chuma cheswacho haze hatwama, muze machikwata mapwa wa luchisa ndo chingoloshi.

Alevi 15:27

Mweswe makwata ku yino yuma mapwa wa luchisa. Akakose mazalo jenyi, akasane meya, akapwe wa luchisa ndo chingoloshi.

Kwalula 19:7

Mba sasendote akakose mazalo jenyi, akasane meya ku mujimba wenyi, mba manjila mu chilombo, mapwa wa luchisa ndo ha chingoloshi.