Kwalula 19:13 - MUKANDA USANDU WA ZAMBI 1975

¹³ Mweswawo makwata ku mufu, te ku mujimba wa mutu wa kufwa, kalipemesene, iye kumakachisa tabernakulu ya Yehova. Mwe mutu akamutete kuli A-Izalele; mumu te kamusapwilile e meya a kupemesa no luchisa. Iye kumakapwa wa luchisa. Luchisa wenyi uchili hali iye.

Mukanda Wa Zambi 1970

¹³ Mweswawo makwata mufu, nyi kalibemesene, masala wa luchisa, mumu kaamuhinjilile ko meya a kulibemesa. Kanajilula zuwo lia Zambi, kunwahashile nawa kumwalula mukachi ka atu ja Zambi.

Kwalula 19:13 Iomraidhean Croise

Kutuhuka 30:33

Mweswawo machinga amwe ngwe wano, ni mweswawo makaazuza hali mutu weka, akamutete hakachi ka atu jenyi.

Yishima 14:32

Mambila chingulungulu mu ungulungulu wenyi; alioze mukwa ululi kali ni kutalatala mu kufwa chenyi;

Ezekiel 44:26

Muze hamupemesa nawa, malialwila matangwa shimbiali.

Alevi 15:31

Chocho mukafunga A-Izalele a kuhandununa ku luchisa wo, kuchina makafwa mu luchisa wo ha kuchisa tabernakulu yami yatwama hakachi ko.

Alevi 20:3

Yami mwene mungusa meso jami a kulimika ni mwe lunga, mungumuteta hakachi ka atu jenyi mumu hahana umwe mwanenyi kuli Moleke nikuchisa kuma kwami kusandu nikujilula jina liami lisandu.

Alevi 22:3

Amba kuli ayo ngwe, Nyi umwe hakachi ka ana jenu eswe ndusu yisemuko yenu, makakundama, shimbu uli ni luchisa, ku ye yuma yisandu yize A-Izalele akusela Yehova, akamuteteko kumeso jami. Yami Yehova.

Alevi 22:4

Niumwe wa ku munyachi wa Arone yoze uli ni mbumba, hanji musongo wa kuhita, makalia ku yuma yisandu ndo hapema. Mweswawo makwata chuma cha luchisa chize chakatuka kuli mufu, hanji lunga yoze hamwanga mbuto yenyi ya ana,

Alevi 5:17

Nyi umwe mavulumuna ha kulinga chuma chimwe cha yize Yehova hanakanjisa, chipwe kachinyingikine, hindu hahia, mambata uhenge wenyi.

Alevi 5:3

Chipwe hakwata ku luchisa wa mutu, luchisa wenyi mweswawo wa kuchisa mutu, alioze kachinyingikine, muze machinyingika, mba hahia.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 7:20

Alioze mweswawo makalia yifwo ya chitapo cha mulambu wa sambukila wa Yehova shimbu kali ni luchisa, makamuteta kuli atu jenyi.

Alevi 7:21

Nyi umwe makakwata chimwe cha luchisa, chipwe luchisa wa mutu, hanji kashitu wa luchisa, hanji luchisa wa lwaji, mba chocho makalia yifwo ya chitapo cha mulambu wa sambukila wa Yehova, makamuteta kuli atu jenyi.

Kwalula 15:30

Alioze nyi mutu malinga chuma cha kulengumuka, chipwe mwenyembo chipwe njize, makashililika Yehova, auze mutu akamutete hakachi ka atu jenyi.

Kwalula 19:14

Shimbi muze mutu mafwila mu mbalaka, yino: eswo manjila mu ye mbalaka ni eswo aawanyine mu mbalaka akapwe a luchisa matangwa shimbiali.

Kwalula 19:18

Mukwa kupema akande hisope hikuyichupika mu e meya, akaasapwile ha mbalaka ni ha yikashi yeswe, ni hali atu apwangamo, ni hali mutu wakwatanga ku chifwaha, hanji kuli mutu wa kushiha ni katana, hanji kuli mufu, hanji ku fuka limwe.

Kwalula 19:19

Mukwa kupema akasapwile mukwa luchisa ha tangwa liamuchitatu ni ha tangwa liamuchishimbiali. Mba ha tangwa liamuchishimbiali akamupemese. Akakose mazalo jenyi. Akasane meya mba ha chingoloshi kumakapema.

Kwalula 19:20

Alioze mukwa luchisa, nyi kasolo kulipemesa, akamutete hakachi ka chikungulwila; mumu iye hanachishi muma musandu mwa Yehova. E meya a kupemesa no kamusapwililo; iye wa luchisa.

Kwalula 19:9

Mutu umwe unapeme akakunge uto wa mwe chimbembe hikuutulika haze lia chilombo homa hapema, akaufungile chikungulwila cha A-Izalele mukulinga nawo meya a kupemesa no luchisa. Kuwapwa wa kupemesa nawo luchisa wa shili.

Kwalula 8:7

Chocho ukalinge kuli ayo mukwapemesa. Ukaasapwile meya a kupemesa ku shili. Akatewule ni tewula mijimba yo yeswe. Akakose mazalo jo, akalipemese.

Kwalula 9:13

Alioze yoze unapeme, nyi keshi mu wenyi hindu machina kufunga Chizomboka, akatete yoze mutu hakachi ka atu jenyi, mumu kalambwile mulambu wa Yehova ha mwaka wacho wa kutongola; akambate mulonga wenyi.

Yoano 8:24

Hinamba kuli yenu ngwami, Munukafwa mu milonga yenu: mumu kumunukafwa mu milonga yenu shina munufuliela yoze nguli.

Hebreu 10:29

Kuchi nunanyongo? Yoze hanaliate mwe Mwana Zambi, hanajilula manyinga a usendo aze amuselele no ku usandu, hanasaula mwe Spiritu ya vumbi, lamba lika Mamutela?

Hebreu 9:10

Se yatwala wika ku yuma ya kulia ni kunwa ni kusana cheka ni cheka, maliji a yiyulo ya musunya, aatwikile ndo mwaka wa kululika yuma yeswe.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:11

Ngwami, Yoze wakulinga uhenge, akalinge uhenge nawa; ni mukwa majilo, akalipwise mukwa majilo nawa; ni mukwa ululi, akalinge ululi nawa; ni musandu, akapwe musandu nawa.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.