Kwalula 19:11 - MUKANDA USANDU WA ZAMBI 1975

¹¹ Mweswawo makwata ku mujimba wa mufu, akapwe wa luchisa matangwa shimbiali.

Mukanda Wa Zambi 1970

¹¹ “Mweswawo makwata mufu mabwa wa luchisa matangwa shimbiali.

Kwalula 19:11 Iomraidhean Croise

Izaya 52:11

Katukenu! Katukenu! Tuhukenumo! Kanda nukwata ku chuma cha luchisa. Yenu nwakumbata yikwachilo ya Yehova, katukenumo nulipemese.

Lungungu 4:14

Endanganyine ku matapalo nikupuputa, a kuchisa ni manyinga chocho niumwe wahashile kukwata ku mazalo jo.

Ezekiel 39:12

Akwa munyachi wa Izalele makapwa tukweji shimbiali ha kwafunda hanga akapemese chifuchi.

Ezekiel 44:26

Muze hamupemesa nawa, malialwila matangwa shimbiali.

Alevi 11:31

Wano te makapwa a luchisa kuli yenu hakachi ka akwa kukalala. Mweswe makaakwata muze te hafwa makapwa a luchisa ndo chingoloshi.

Alevi 21:1

Yehova yamba kuli Mose ngwenyi, Hanjika ni asasendote, ana ja Arone, ukambe kuli ayo ngwe, Niumwe hakachi ko makalichisa mumu hali afu hakachi ka atu jenyi.

Alevi 21:11

Kanda akundama ku mujimba wa mufu. Kanda alichisa chipwe hali tato hanji naye.

Alevi 22:4

Niumwe wa ku munyachi wa Arone yoze uli ni mbumba, hanji musongo wa kuhita, makalia ku yuma yisandu ndo hapema. Mweswawo makwata chuma cha luchisa chize chakatuka kuli mufu, hanji lunga yoze hamwanga mbuto yenyi ya ana,

Alevi 5:2

Nyi umwe hakwata chuma cha luchisa, chipwe mujimba wa kashitu wa luchisa yoze hafwa kulu, hanji mujimba wa chimuna wa luchisa, hanji wa mukwa kukalala wa luchisa, chipwe kachinyingikine, halichisa, hahia.

Hagai 2:13

Mba Hagaia yamba ngwenyi, Nyi umwe wapwa wa luchisa ha kusunga mujimba wa mufu mba makwata ku yimwe ya yino, muyipwa ya luchisa nyi? Asasendote yakumbulula ngwo, Muyipwa ya luchisa.

Kwalula 19:16

Mweswawo mapwa mu yambu, mba makwata kuli umwe wa kushiha ni katana, hanji ku mujimba wa mufu, hanji ku chifwaha cha mutu, hanji ku fuka limwe, iye akapwe wa luchisa matangwa shimbiali.

Kwalula 31:19

Nutwame haze lia chilombo matangwa shimbiali; mweswawo hashiha mutu, mweswawo hakwata ku mujimba wa mufu, lipemesenu ha tangwa liamuchitatu ni ha tangwa liamuchishimbiali, ni yenu ni funge jenu.

Kwalula 5:2

Amba A-Izalele akakatwise mu chilombo akwa mbumba eswe, ni eswe akwete musongo wa kuhita manyinga, ni mweswawo walichisa ni afu.

Kwalula 6:6

Ha matangwa eswe malihandunwina kuli Yehova kanda akakundama ku mujimba wa mufu.

Kwalula 9:10

Amba kuli A-Izalele ngwe, Nyi mutu umwe wa yenu, hanji wa ku yisemuko yenu, malichisa ni mujimba wa mufu, hanji mapwa kusuku mu wenyi, chipwe chocho iye akafunge Chizomboka cha Yehova.

Kwalula 9:6

Kwapwile amwe malunga halichisa ni mujimba wa mufu, chocho ha lize tangwa kahashile kufunga Chizomboka. Yaheta lize tangwa kumeso ja Mose ni kumeso ja Arone.

Yilinga 21:26

Hohene Paulu watwalile e malunga, ni ha tangwa likwo, ha kulipemesa hamwe no, wanjilile mu tembele, nikusolola ngwe kumanunuka cha matangwa a kupemesa, ndo malambula chitapo hali ayo eswe mutu ni mutu.

Yilinga 21:27

Muze te matangwa shimbiali himamanunuka, A-Yunda a ku Eshia, muze amumwene mu tembele, avundwile mbunga yeswe, o amukwachile,

A-ROMA 5:12

Kashika, chizechene ngwe kuli mutu umuwika shili yanjilile hano hashi, ni ku shili kufwa chanjilile; chocho kufwa chahetele kuli atu eswe, mumu te eswe avulumwine:

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,

Efesu 2:1

Ni yenu nwapwile afu mu Utanguko wenu ni mu milonga yenu,

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?