Kwalula 18:9 - MUKANDA USANDU WA ZAMBI 1975

⁹ Yino yikapwe ya yena ya ku yuma yisandu yahiana ya kwocha ku kahia, ngwami: milambu yo yeswe, te milambu yo yeswe ya wunga, ni milambu yo yeswe ha shili, ni milambu yo yeswe ya uhie, o mangulambulayo, yikapwe yisandu yahiana kuli yena ni kuli ana je a malunga.

Mukanda Wa Zambi 1970

⁹ Hingunakwehe milambu ya chijila kuhiana yize keeshi kwocha yino: milambu ya mbuto, ni ya milonga, ni kuhilwisa, ni kuwezela Yuma yeswe yize hinwalambula kuli yami ngwe milambu ya chijila yili ya yena ni ana je a malunga.

Kwalula 18:9 Iomraidhean Croise

1 MIANANGANA 12:17

Mba Hazaele mwanangana wa Seria yakanduka, yasa jita ni Ngata; yatambula chihunda. Chocho Hazaele yasa meso jenyi kuya ku Yerusaleme.

Nehemia 10:36

Tukanehe nawa tupula-majimo twa ana jetu a malunga, ni twa yimuna yetu, ngwe chinasonewa mu shimbi, ni atangu a kuli pembe, ni mapanga, kuneha ku zuwo lia Zambi yetu kuli asasendote aze akuvumbika mu zuwo lia Zambi yetu.

Ezekiel 42:13

Aye yamba kuli yami ngwenyi, Yipatulo ya ku Norte ni yipatulo ya ku Sule hatalanganyi ni yize, ayo yapwa yipatulo yisandu kuze asasendote akwa kukundama kuli Yehova malila milambu yisandu yahiana. Mwenamo matulikila milambu yisandu yahiana—mulambu wa wunga, ni mulambu ha shili, ni mulambu ha uhie, mumu yipatulo yize yisandu.

Ezekiel 44:29

Makalia milambu ya wunga, ni milambu ha shili, ni milambu ha uhie, ni yuma yeswe ya kutumbikila mu Izalele muyikapwa niyo.

Alevi 10:17

Kuchi te kunwalile mulambu ha shili muma musandu, se wapwa usandu Wahiana mba hanwahawo kumbata uhenge wa chikungulwila, kufuka shili yo kumeso ja Yehova?

Alevi 14:13

Akashihe mwe mwana-panga kuze akushihila mulambu ha shili ni mulambu wa kulumba kuma kusandu. Mumu mulambu wa uhie wapwa ngwe mulambu ha shili wa mbala wa sasendote. Musandu Wahiana.

Alevi 2:10

Chize cheswe chasala cha ku mulambu wa wunga chikapwe cha Arone ni anenyi a malunga; chapwa chuma chisandu chahiana hakachi ka milambu ya kahia kuli Yehova.

Alevi 22:11

Ahoze nyi sasendote malanda ndungo wa kupita ni mbongo, iye mahasa kuchilia. Waze asemukina mu zuwo lienyi mahasa kulia ya kulia yenyi.

Alevi 22:7

Muze tangwa hilianjila makapema. Mba kulutwe makalia yuma yisandu mumu yapwa kulia chenyi.

Alevi 4:22

Muze mukwa kuyula makavulumuna mutonga wa susumuku ha chuma cheswacho cha yuma yize Yehova Zambi yenyi hanayikanjisa, mba hahia,

Alevi 4:27

Nyi umwe mutu mweswawo nuvulumuna mutonga wa susumuku mukulinga chuma cheswacho cha yuma yize Yehova hanayikanjisa, mba hahia,

Alevi 5:1

Nyi umwe mavulumuna, nyi hevwa liji lia kumushingisa, hapwa chela, chipwe ha kumona chipwe ha kunyingika, nyi kachilwezele, mambata uhenge wenyi.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 6:17

Kanda akachocha ni futunwiso. Ngunachihana chikapwe chihanda* cho cha milambu yami ya kahia. Chuma chisandu chahiana, chimuwika ni mulambu ha shili, ni mulambu wa uhie.

Alevi 6:19

Yehova yamba kuli Mose ngwenyi,

Alevi 6:30

Alioze kanda akalia mulambu ha shili, uze manyinga jawo haaneha mu mbalaka ya chikungulwila ha kufuka mwe muma musandu. Akawoche ni kahia.

Alevi 7:1

Shimbi ya mulambu wa uhie, yino. Wapwa usandu Wahiana.

Alevi 7:6

Malunga eswe hakachi ka asasendote mahasa kuulia. Makaulia homa hasandu, wapwa usandu Wahiana.

Alevi 7:7

Mulambu wa uhie wapwa chizechene ngwe mulambu ha shili. Shimbi yimuwika yikwete; muupwa wa mbala wa sasendote yoze mafuka nawo shili.

Kwalula 18:10

Ukayilie ngwe yuma yisandu yahiana. Malunga eswe akayilie. Yikapwe yisandu kuli yena.

Shimbi 18:1

Asasendote, A-Levi, te munyachi weswe wa Levi, kanda apwa ni chihanda, chipwe chihinga hamwe ni A-Izalele, o alie milambu ya Yehova ya kulumba ni kahia, te chihinga chenyi.