Kwalula 18:8 - MUKANDA USANDU WA ZAMBI 1975

⁸ Yehova yamba kuli Arone ngwenyi, Kutala! Hingunakwehe ulayilo wa milambu yami ya kuzundula, ewa yuma yeswe yisandu ya A-Izalele; kuli yena hingunayihana, mumu ha mukunda wa kuwayisa cha maji, ni kuli yena ni kuli ana je a malunga, yikapwe chiyulo cha mutolo.

Mukanda Wa Zambi 1970

⁸ Mwene Zambi yambila Arone ngwenyi: “Iwuluka ngwe yami hinakwaha milambu yeswe yize atu akungulambula yize keeshi kwocha. Hingunakwehe yo yena ni vungu lie yibwe chitundo chenu ndoo ku miaka yeswe.

Kwalula 18:8 Iomraidhean Croise

1 MIANANGANA 12:16

Mbongo ja milambu ya uhie ni milambu ha shili ajo kajinehene mu zuwo lia Yehova—ja mbala ja asasendote.

2 Sango Ja Mianangana 31:4

Chikwo nawa yatuma atu a mu Yerusaleme akahane chihanda cha asasendote ni A-Levi hanga o akalitumbikile ku shimbi ya Yehova.

2 Sango Ja Mianangana 31:5

Mba muze shimbi yino hiyafumana A-Izalele yahana mbuto yitangu ya tiliku, ni vinyu, ni maji, ni wuchi, ya kulumbama, ni ya mbuto yeswe ya mu minda. Chihanda cha kumi cha yuma yeswe yaneha ya kulumbama.

Kutuhuka 28:43

Arone ni ana jenyi a malunga akamuzale muze manjila mu mbalaka ya chikungulwila hanji muze makundama ku chilumbilo mukuvumbika muma musandu, kuchina mambata uhenge mba mafwa. Chikapwe chiyulo ndo ku miaka ya mutolo hali iye ni hali ana jenyi kulutwe lienyi.

Kutuhuka 29:21

Uchize ku manyinga ali ha chilumbilo ni ku maji a kuwayisa no, wasapwile hali Arone, ni ha mazalo jenyi, ni hali ana jenyi a malunga, ni ha mazalo a ana jenyi a malunga hamwe nenyi. Umusele usandu ni mazalo jenyi, ni ana jenyi a malunga, ni mazalo a ana jenyi a malunga.

Kutuhuka 29:28

Yikapwe ya Arone ni ana jenyi a malunga ya kuli A-Izalele ni chiyulo cha mutolo. Kuwapwa mulambu wa kuzundula. Ukapwe mulambu wa kuzundula wa kuli A-Izalele wa ku milambu yo ya sambukila te milambu yo ya kuzundula kuli Yehova.

Kutuhuka 29:29

Mazalo asandu a Arone akapwe hali ana jenyi a malunga kulutwe lienyi, ha kwazala akaawayise ni maji, akaatumbikile no ku uvumbiko.

Kutuhuka 40:13

Ukajike Arone mazalo asandu. Ukamuwayise ni maji. Ukamusele ku usandu hanga akangulingile usasendote.

Kutuhuka 40:15

Ukaawayise chizechene ngwe wawayisa ni maji tato hanga o akangulingile usasendote. Ha kwawayisa ni maji chikapwe kuli ayo ha usasendote wa mutolo ndusu yisemuko yo.

Izaya 10:27

Mba ha tangwa lize chiteli chenyi muchikatuka ha chipaya chenu, ni kanga yenyi mayichiza ha kota yenu, ni ye kanga mayishiha mumu ha maji.

Alevi 21:10

Sasendote wa lutwe hakachi ka akwo, yoze te hamuwayisa ni maji ha mutwe, hamutumbikila kuzala e mazalo, kanda akasulula kambu jenyi, kanda asonya mazalo jenyi.

Alevi 23:20

Mwe sasendote maahungisa hamuwika ni mbolo ya mbuto yitangu, mulambu wa kuhungisa kumeso ja Yehova, ayo hamuwika ni ana-mapanga aali. Kumuyikapwa yisandu kuli Yehova, ya mbala ya sasendote.

Alevi 6:16

Chize muchisalaho Arone ni anenyi a malunga akachilie. Akachilie kuchishi futunwiso kuma kusandu, akachilie mu yize ya mbalaka ya chikungulwila.

Alevi 6:18

Malunga eswe hakachi ka ana ja Arone makachilia, chihanda cho cha mutolo ndusu yisemuko yenu yeswe cha ku milambu ya kahia kuli Yehova. Mweswe makayikwata makapwa musandu.

Alevi 6:20

Mulambu wa Arone ni anenyi a malunga matambula kuli Yehova ha tangwa lize mamuwayisa ni maji, uno; chihanda chimuwika cha ku kumi lia yihanda ya efa ya wunga wafufunuka ukapwe mulambu wa wunga wa tangwa ha tangwa. Chihanda ha chimene, chihanda ha chingoloshi.

Alevi 6:26

Sasendote yoze makaulambula ha shili makaulia. Kumwe kuma kusandu makaulila mu yize ya mbalaka ya chikungulwila.

Alevi 7:14

Mba akalambule umuwika ukapwe mulambu wa kuzundula kuli Yehova. Muukapwa wa mbala wa sasendote mukwa kusapwila manyinga a mulambu wa sambukila.

Alevi 7:28

Yehova yamba kuli Mose ngwenyi,

Alevi 7:6

Malunga eswe hakachi ka asasendote mahasa kuulia. Makaulia homa hasandu, wapwa usandu Wahiana.

Alevi 8:30

Mba Mose yanda chihanda cha maji a kuwayisa ni chihanda cha manyinga chapwile ha chilumbilo, yasapwila hali Arone ni ha mazalo jenyi, ni hali anenyi a malunga, ni ha mazalo jo hamwe nenyi. Chocho yasela ku usasendote Arone ni mazalo jenyi, ni anenyi a malunga ni mazalo jò hamwe nenyi.

Kwalula 18:9

Yino yikapwe ya yena ya ku yuma yisandu yahiana ya kwocha ku kahia, ngwami: milambu yo yeswe, te milambu yo yeswe ya wunga, ni milambu yo yeswe ha shili, ni milambu yo yeswe ya uhie, o mangulambulayo, yikapwe yisandu yahiana kuli yena ni kuli ana je a malunga.

Kwalula 5:9

Milambu yeswe ya kuzundula ya ku yuma yeswe yisandu A-Izalele matumbikila kuli sasendote, yikapwe ya mbala ya sasendote.

1 Korintu 9:13

Kunwanyingikine, nyi? Waze akulingila yuma yisandu kakulia yuma ya ku tembele, ni waze akulingila ku chilumbilo, kakupwa ni chihanda cha ku chilumbilo?

Shimbi 12:11

kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.

Shimbi 12:6

Kwenako munuya, nukaheteseko milamba yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu, ni milambu yenu ya mbunge, ni tupula-majimo a ngombe jenu, ni a yimuna jenu.

Shimbi 18:1

Asasendote, A-Levi, te munyachi weswe wa Levi, kanda apwa ni chihanda, chipwe chihinga hamwe ni A-Izalele, o alie milambu ya Yehova ya kulumba ni kahia, te chihinga chenyi.

Shimbi 26:13

Nukambe kumeso ja Yehova Zambi yenu ngwenu, Hitwachiza yuma yisandu ku mazuwo jetu, hitwayihana kuli A-Levi, ni kuli njize, ni kuli shiwa, ni kuli twamishi, nikulita ni liji lino lieswe lia shimbi nwatwambile. Kutwatangwile maliji jenu a shimbi niamwe, chipwe kutwaavulamine.

Hebreu 1:9

Hiunazange ululi, ni ungulungulu wakukupihila; kashika Zambi, iye Zambi ye, hanakuwayisa ni maji a kulikwiza kuhiana akwenu.

1 Yoano 2:20

Ni yenu kuwayisa nuli nacho cha kuli mwe Musandu, nunanyingika yuma yeswe.

1 Yoano 2:27

Ha kutwala kuli yenu, kuwayisa chize hinunatambula kuli iye kuchakutwama muli yenu, mba kunushi kufupa umwe anulongese; aiioze ngwe kuwayisa chenyi kuchakunulongesa ha kutwala ku yuma yeswe, chinapu chamwenemwene, hi mahuza ko, chizechene ngwe hichinanulongesa, nwakutwama muliiye.