Kwalula 18:6 - MUKANDA USANDU WA ZAMBI 1975

⁶ Yami hinachiza akwenu A-Levi hakachi ka A-Izalele. O kapwa chawana kuli yenu, haahana kuli Yehova, mukulinga uvumbiko wa mu mbalaka ya chikungulwila.

Mukanda Wa Zambi 1970

⁶ Yami nguli yoze natongwele usoko wenu Alevi mukachi ka Aisraele ngwe chawana kuli yenu. Haalikunjika kuli yami. Ha chino maahasa kulinga milimo yo ya mu zuwo lia Zambi.

Kwalula 18:6 Iomraidhean Croise

Ubutukilo 6:17

Mumu yami mwene munguneha sanga lia meya hashi lia kunongesa musunya weswe kushi lia malilu uze ukwete mwiku wa mwono; e eswe ali hashi kumafwa.

Ubutukilo 9:9

Ni yami, usendo wami ngunakolesa ni yena ni munyachi we kulutwe.

Kutuhuka 14:17

Yami mwene mungukalisa mbunge ja A-Engitu. Kumakaakaulamo mba yami mungukazuka ulemu ha kukumba Falau ni yizavu yenyi yeswe, ni matemba jenyi, ni akwa tuvwalu twenyi.

Kutuhuka 31:6

Yami hinasela hamwe nenyi Aholiambe, mwana Ahisamake wa ku vungu lia Ndane, mba mu mbunge ja eswe akwete mana, hinasamo mana, hanga akalinge yize yeswe nakwambile.

Izaya 48:15

Yami hinahanjika ni kumusanyika, yami mwene. Hinamuneha, mba kumakawaha mu jila yenyi.

Izaya 51:12

Yami, yami mwene nakunuwumbijeka; kuchi nwapwa nukavwile woma mutu mukwa kufwa, hanji umwe mwana mutu hamupwisa ngwe mwambu?

Ezekiel 34:11

Mumu Mwene Yehova kanambe ngwenyi, Yami, yami mwene mungukahenguta hali mapanga jami nikwafupa.

Ezekiel 34:20

Kashika Mwene Yehova kanambe kuli ayo ngwenyi, Yami, yami mwene mungukapatula hakachi ka mapanga a maji ni mapanga awangama.

Kwalula 3:12

Yami mwene hingunatambula A-Levi hakachi ka A-Izalele mukusalakana tupula-majimo eswe hakachi ka A-Izalele. A-Levi kumakapwa a yami,

Kwalula 3:13

mumu tupula-majimo eswe ninyami. Ha lie tangwa nalambile tupula-majimo eswe a mu chifuchi cha Engitu, tupula-majimo eswe a A-Izalele ni a atu ni a tushitu yingwasela ku usandu hali yami mwene. Kumakapwa a yami. Yami Yehova.

Kwalula 3:45

Tambula A-Levi mukusalakana tupula-majimo eswe hakachi ka A-Izalele; yimuna ja A-Levi mukusalakana yimuna jo. A-Levi kumakapwa a yami. Yami Yehova.

Kwalula 3:6

Ukundamise munyachi wa Levi. Uasele kumeso ja sasendote Arone hanga akamuvumbikile.

Kwalula 3:9

Ukahane A-Levi kuli Arone ni kuli ana jenyi a malunga. O ninyenyi liakulu hakachi ka A-Izalele.