Kwalula 18:5 - MUKANDA USANDU WA ZAMBI 1975

⁵ Yenu nukalayile muma musandu, nukalayile chilumbilo; kuchina utenu muukapwa nawa hali A-Izalele.

Mukanda Wa Zambi 1970

⁵ Yena ni ana je chanutamba kulinga milimo ya muma mwa chijila ni ya ku chilumbilo, hanga chichi kuvwila nawa atu jami Aisraele ufwatulo.

Kwalula 18:5 Iomraidhean Croise

1 Sango Ja Mianangana 23:24

Wano e ana ja A-Levi nikulita ni minyachi ya atato, e akwa lutwe a minyachi ya atato aze alwile ha majina ha kwasoneka. O alingile milimo ya uvumbiko mu zuwo lia Yehova chize ku makumi aali a miaka.

1 Sango Ja Mianangana 23:32

Yayula nawa akapwe ni ulayilo wa mbalaka ya chikungulwila, ni ulayilo wa muma musandu, ni ulayilo wa usoko wo ana ja Arone ha milimo ya zuwo lia Yehova.

1 Sango Ja Mianangana 24:5

Chocho yaapangila nikulita ni chela amwe hamwe ni akwo hamuwika mumu apwile tusongo twa mu zuwo lisandu ni tusongo twa Zambi hakachi ka ana ja Eleazare ni ana ja Itama.

1 Sango Ja Mianangana 9:19

Shalume, mwana Kore, mwana Ebiasafe, mwana Kora, ni usoko wenyi a ku munyachi wa atato A-Kora apwile tulayi a milimo ya uvumbiko, te akwa kufunga yikolo ya tabernakulu. Atato apwile helu lia yizavu ya Yehova akwa kufunga unjililo.

1 Sango Ja Mianangana 9:23

O ni ana jo kali ni ulayi wa mapito a zuwo lia Yehova, lie zuwo lia tabernakulu aafunge.

1 Sango Ja Mianangana 9:33

Wano e njimba, akwa lutwe ja atato ja A-Levi atwamine mu yipatulo ya zuwo kalingile milimo yikwo. Akwachile milimo yo mwalwa ni ufuku.

Kutuhuka 27:21

Arone ni anenyi a malunga akayilulikise chize ku chingoloshi ndo ku kucha kumeso ja Yehova mu mbalaka ya chikungulwila, haze lia chikalakala cha hina chili kulutwe lia ye shindakenyo. Chikapwe shimbi ya mutolo ndusu yisemuko yeswe hali A-Izalele.

Jeremia 23:15

Kashika Yehova-wa-Tujita kanambe ha kutwala kuli aprofeta ngwenyi, Mungwalisa musase ni kwanwisa meya a kasashisa mumu kuli aprofeta ja Yerusaleme utanganyanyi hiwalitanda mu chifuchi cheswe.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Ezekiel 44:16

O makanjilanjila mu zuwo liami lisandu nikukundama ku mesa yami kunguvumbika, no makafunga shimbi jami.

Alevi 10:6

Mba Mose yamba kuli Arone, ni kuli Eleazare, ni kuli Itama, anenyi a malunga ngwenyi, Kanda nukasulula kambu jenu, chipwe mazalo jenu kanda nwasonya, kuchina munufwa, kuchina ufwatulo ukapwile ha chikungulwila cheswe. Alioze akwenu, vungu lieswe Ha Izalele mahasa kulilila kahia kano Yehova hawika.

Alevi 24:3

Haze lia chikalakala cha Shindakenyo, mu mbalaka ya chikungulwila Arone makayilulika ufuku ni mwalwa kumeso ja Yehova. Chino muchikapwa chiyulo cha mutolo ndusu yisemuko yenu yeswe.

Zakaria 10:3

Utenu wami unasasaminyina hali tufunga; mungulamba kastigu tusongo. Mumu Yehova-wa-Tujita kakusa mbunge yenyi hali mapanga jenyi, munyachi wa Yunda; kumakaapwisa ngwe kavwalu wa uhenya mu jita.

Kwalula 1:50

Alioze Ukasele A-Levi akafunge tabernakulu ya Shindakenyo, akafunge yikashi yayo yeswe, akafunge yuma yeswe yilimo; o akambate ye tabernakulu ni yikashi yayo yeswe. Akayilingile. Akajikile mbalaka jo kwa kujingilika ye tabernakulu.

Kwalula 1:53

A-Levi akajikile mbalaka jo kwa kujingilika ye tabernakulu ya Shindakenyo, hanga kukuchi kapwa ufwatulo ha chikungulwila cha A-Izalele. A-Levi akalayile ye tabernakulu ya Shindakenyo.

Kwalula 16:46

Mose yamba kuli Arone ngwenyi, Anda chikwachilo che, usemo kahia ka ku chilumbilo, useho insensu, uchitwale washi ku chikungulwila, uafukile shili yo; mumu utenu unatuhuka kuli Yehova, chilungo kuchinaputuka.

Kwalula 18:4

O akalinunge ni yena, akalayile mbalaka ya chikungulwila, mukulinga uvumbiko weswe wa mu mbalaka. Niumwe mukwo kanda akakundama kuli yena.

Kwalula 4:18

Kanda nukateta munyachi wa majimo a A-Kohate hakachi ka A-Levi.

Kwalula 8:19

Mumu hingunahana A-Levi chawana kuli Arone ni kuli ana jenyi a malunga hakachi ka A-Izalele, mukulingila mu mbalaka ya chikungulwila uvumbiko wa A-Izalele, mukufukila A-Izalele shili yo, hanga kukuchi kapwa chilungo mukachi ka A-Izalele, muze A-Izalele makundama kuma kusandu.

Kwalula 8:2

Amba kuli Arone ngwe, Muze muwika ndeya, ngwami, je ndeya shimbiali, jikatemukine kulutwe lia chikwachilo cha ndeya.

1 Timoteu 1:18

Shimbi yino ngunakukunjikayo, mwanami Timoteu, nikulita ni uprofeto wa kutwala kuli yena, hanga ukase nawo jita yipema.

1 Timoteu 3:15

Alioze kachi munguvumiwa chikolo, hanga ukanyingike ngwe chatamba kwenda mu zuwo lia Zambi, che chikungulwila cha Zambi ya mwono, lie nguji ni fundamentu ya umwenemwene.

1 Timoteu 5:21

Shimbi ngunakwehe kumeso ja Zambi ni Kristu Yesu ni angelo a kutongola, ufunge yino yuma, kanda upatula Shimbu-kanda, kanda ulinga nichimwe ni katonde.

1 Timoteu 6:20

Timoteu, funga chize akukunjikile, ukalikondolole ku kumbambula chamokomoko cha ujiluke, ni kulimika cha yinyingi yize anayivuluka chocho ni mahuza;