Kwalula 18:32 - MUKANDA USANDU WA ZAMBI 1975

³² Mumu ha mukunda wayo kanda nukambata mutonga niumwe, muze munuzundula yipema yayo yahiana. Kanda nukapihisa yuma yisandu ya A-Izalele, kuchina munufwa.

Mukanda Wa Zambi 1970

³² Kunuchi kubwa ni uhiso muze munuyilia nyi nwakunjika Chihanda chibema kuli Mwene Zambi. Alioze kanda nulelesa yawana ya Aisraele ya chijila ha kulia yimwe yawana yize shimbu kanda nuchilambula Chihanda chibema chahiana kuli Mwene Zambi. Nyi ka, kumunukafwa.”

Kwalula 18:32 Iomraidhean Croise

Kutuhuka 28:43

Arone ni ana jenyi a malunga akamuzale muze manjila mu mbalaka ya chikungulwila hanji muze makundama ku chilumbilo mukuvumbika muma musandu, kuchina mambata uhenge mba mafwa. Chikapwe chiyulo ndo ku miaka ya mutolo hali iye ni hali ana jenyi kulutwe lienyi.

Alevi 19:8

Mweswawo machilia makambata uhenge wenyi mumu hajilula chuma chisandu cha Yehova. Amutete hakachi ka atu jenyi.

Alevi 22:2

Ambulwila Arone ni anenyi a malunga akalihandunune ni yuma yisandu ya A-Izalele yize akungusela, kuchina majilula jina liami lisandu. Yami Yehova.

Malaki 1:7

Ha kulambula kulia cha luchisa ha chilumbilo chami. Nwakwamba ngwenu, Kuchi twachichisa? Ha kunyonga ngwenu, Mutuhasa kulelesa mesa ya Yehova.

Kwalula 18:22

Katuke musono A-Izalele kanda akakundama ku mbalaka ya chikungulwila, kuchina mambata mulonga, mba mafwa.

Kwalula 18:31

Ni yenu ni akwa majiko jenu nukayilile mu yihela yeswayo; mumu kuyapwa kwononona chenu ha uvumbiko wenu wa mu mbalaka ya chikungulwila.

Kwalula 19:1

Yehova yamba kuli Mose ni kuli Arone ngwenyi,

1 Korintu 11:27

Kashika mweswe malia mbolo, hanji manwa musenge wa Mwene ngwe kuchatele, kumahila mujimba ni manyinga ja Mwene.

1 Korintu 11:29

Mumu yoze malia hanji manwa, malia hanji manwa uhiso hali iye mwene se kamwene mujimba wa Mwene.