Kwalula 18:21 - MUKANDA USANDU WA ZAMBI 1975

²¹ Hingunahana kuli A-Levi yihanda yeswe ya ku kumi mu Izalele, yikapwe chihinga, mukwaononona ha uvumbiko o akuvumbika, te uvumbiko wa mu mbalaka ya chikungulwila.

Mukanda Wa Zambi 1970

²¹ Mwene Zambi ngwenyi: “Hingunahana kuli Alevi Chihanda chimuwika cha ku yihanda kumi chize Aisraele maangulambwola. Yino yili fweto ya milimo yo yize akulinga mu zuwo liami lia makubu.

Kwalula 18:21 Iomraidhean Croise

Ubutukilo 14:20

Chikwo nawa, Zambi Chitunda akafumane, Iye hanakunjika akwa kole je mu kwoko lie. Mba Apalama yamwaha chihanda chimuwika ha yihanda kumi ya ku yuma yeswe.

Ubutukilo 47:24

Mba muchipwa ha mwaka wa kucha chihanda chimuwika munuhana kuli Falau, yihanda yikwo yiwana muyipwa ya yenu, mbuto ya kulima, ni ya kulia yenu ni akwa mazuwo jenu ni ana jenu.

Ubutukilo 47:26

José wachikolesele shimbi mu Engitu ndo musono, ha yihanda yeswe yitano Falau akatambule chihanda chimuwika. Chifuchi cha asasendote wika kuchalumukine cha Falau.

2 Sango Ja Mianangana 31:12

Mba yanehamo kanawa kanawa milambu, ni yihanda ya kumi, ni yuma ya kutumbikila. Mukwa kuyiyula Ka-Levi Kononia, ni chikwashi chenyi mwanakwo Shimei.

Nehemia 10:29

o yalifutula ni akwo, ni alemu jo, akalikase ni shingo ni chilakenyo kwenda mu shimbi ja Zambi, jize Mose kavumbi ka Zambi wajihanyine, akafunge ni kulinga maliji eswe a Yehova Mwene wetu, hamwe ni upatwilo wenyi ni yiyulo yenyi.

Nehemia 10:37

Tukanehe nawa yitangu ya mbolo jetu ja wisu, ni milambu ya kuzundula, ni mihuko ya milali yeswe ya mitondo, ni vinyu, ni maji, kuli asasendote ku yipatulo ya zuwo lia Zambi yetu, ni yihanda ya kumi ya minda yetu kuli A-Levi, mumu o, A-Levi kakuzuka chihanda cha kumi mu yihunda yeswe kuze twakulimina.

Nehemia 10:38

Ni mwe sasendote mwana Arone mapwa hamwe ni A-Levi muze matambula yihanda ya kumi. Mba A-Levi maneha chihanda cha kumi cha yihanda ya kumi ku zuwo lia Zambi yetu ku yipatulo mwe mu zuwo lia upite.

Nehemia 12:44

Ha tangwa lize yatongola malunga kuyula mazuwo a upite; ha milambu ya kuzundula, ni mbuto yitangu, ni yihanda ya kumi kuyikunga nikulita ni minda ya yihunda, yihanda yize ayifunjikile mu shimbi hali asasendote ni A-Levi; mumu A-Yunda awahilile hali asasendote ni A-Levi akwa uvumbiko.

Nehemia 12:47

Ha matangwa a Zorobabele ni a Nehemia nawa, A-Izalele eswe ahanyine yihanda ya njimba ni akwa mapito nikulita ni tangwa ha tangwa. Yasela ku usandu hali A-Levi, ni A-Levi yasela ku usandu hali ana ja Arone.

Nehemia 13:12

A-Yunda eswe yaneha chihanda cha kumi cha mbuto ni vinyu ni maji ku mazuwo a upite.

Nehemia 13:5

Halingila Tobia chipatulo chimwe chinene, chize te chapwile cha kutulikila milambu ya wunga, ni libano, ni yikwachilo, ni yihanda ya kumi ya mbuto, ni vinyu, ni maji, yize ayihanyine nikulita ni shimbi kuli A-Levi, ni njimba, ni akwa mapito; ni milambu ya kuzundula ya asasendote.

Malaki 2:4

Chocho mununyingika yami hinatuma shimbi yino kuli yenu, hanga usendo wa yami ni Levi ukakole. Chocho kanambe Yehova-wa-Tujita.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Kwalula 18:6

Yami hinachiza akwenu A-Levi hakachi ka A-Izalele. O kapwa chawana kuli yenu, haahana kuli Yehova, mukulinga uvumbiko wa mu mbalaka ya chikungulwila.

Kwalula 3:6

Ukundamise munyachi wa Levi. Uasele kumeso ja sasendote Arone hanga akamuvumbikile.

Kwalula 31:28

Utambule mulambu wa Yehova kuli malunga atuhukile ku jita: umuwika wa kuli kulakaji atano, ni wa kuli atu, ni wa ku ngombe, ni wa ku yimbulu, ni wa ku mapanga.

Galashia 6:6

Alioze yoze anamufumbu ni liji, akalianyine ni chifumbe ni yuma yeswe yipema.

Shimbi 18:8

O atambule yihanda ya kulita ya kulia, kuweza ku yuma iye mawana ha kulanjisa chihinga chenyi.

Hebreu 7:5

Waze chamwenemwene a kuli ana ja Levi a malunga akutambula usasendote, shimbi ali nayo ya kutambula yihanda ya kumi kuli atu, nikulita ni shimbi, te kuli usoko wo, chipwe wano atuhukile mu mitanda ya Apalahama.