Kwalula 18:2 - MUKANDA USANDU WA ZAMBI 1975

² Ni akwenu nawa, akwa munyachi wa Levi, we munyachi wa kalamba ke, ukaakundamise hamwe ni yena, hanga akalinunge hamwe ni yena akakuvumbike; alioze yena ni ana je a malunga hamwe ni yena nukapwe kulutwe lia mbalaka ya Shindakenyo.

Mukanda Wa Zambi 1970

² Wanda nawa akwenu a ku vungu lia Levi ha kulinga hamwe ni yena ni kunukwasa muze yena ni ana je munulinga milimo ya uhako mu zuwo lia Zambi.

Kwalula 18:2 Iomraidhean Croise

Ubutukilo 29:34

Yaka ufumba nawa, yasema mwana wa lunga. Yamba ngwenyi, Mba chisuho chino mukwetu-lunga malinunga ni yami mumu hinamusemena ana atatu a malunga. Kashika yamuluka jina lienyi, Levi.

2 Sango Ja Mianangana 30:16

Yamanyina muma mwo nikulita ni ngango jo nikulita ni shimbi ja Mose mwe mutu wa Zambi. Asasendote yasapwila e manyinga aze atambwile ku kwoko lia A-Levi.

Ezekiel 44:11

O makapwa tuvumbi mu zuwo liami lisandu nikulayila yikolo ya tembele ni kuvumbika mu tembele. O makashiha milambu ya kulumba, ni yitapo hali e atu; o makavumbika e atu ni kwalingila.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Malaki 2:4

Chocho mununyingika yami hinatuma shimbi yino kuli yenu, hanga usendo wa yami ni Levi ukakole. Chocho kanambe Yehova-wa-Tujita.

Kwalula 1:53

A-Levi akajikile mbalaka jo kwa kujingilika ye tabernakulu ya Shindakenyo, hanga kukuchi kapwa ufwatulo ha chikungulwila cha A-Izalele. A-Levi akalayile ye tabernakulu ya Shindakenyo.

Kwalula 16:40

Chikapwe Chiwulwiso kuli A-Izalele, kuchina umwe mukwo, hi wa kuli ana a Arone ko, makundama, akoche insensu kumeso ja Yehova; hanga kechi kupwa ngwe Kora, ni ngwe mbunga yenyi; chizechene ngwe Yehova wambile kuli iye ku kanwa lia Mose.

Kwalula 17:7

Mose yatulika ye milumbu kumeso ja Yehova mu mbalaka ya Shindakenyo.

Kwalula 18:4

O akalinunge ni yena, akalayile mbalaka ya chikungulwila, mukulinga uvumbiko weswe wa mu mbalaka. Niumwe mukwo kanda akakundama kuli yena.

Kwalula 3:5

Yehova yamba kuli Mose ngwenyi,

Kwalula 4:15

Muze te Arone ni ana jenyi a malunga hamana kufuka muma musandu ni yikashi yeswe ya muma musandu, muze akwa chilombo himaya mu wenyi, mba kulutwe A-Kohate akakundame akayimbate. O kanda akasunga yuma yisandu kuchina mafwa. Yuma yino kuyapwa chiteli cha A-Kohate mu mbalaka ya chikungulwila.

Kwalula 8:19

Mumu hingunahana A-Levi chawana kuli Arone ni kuli ana jenyi a malunga hakachi ka A-Izalele, mukulingila mu mbalaka ya chikungulwila uvumbiko wa A-Izalele, mukufukila A-Izalele shili yo, hanga kukuchi kapwa chilungo mukachi ka A-Izalele, muze A-Izalele makundama kuma kusandu.

Kwalula 8:22

Kulutwe liacho A-Levi yanjila mu mbalaka ya chikungulwila mu-kulingilamo uvumbiko wo kumeso ja Arone ni kumeso ja ana jenyi a malunga. Chizechene ngwe Yehova ambile Mose ha kutwala kuli A-Levi, chocho alingile kuli ayo.

Hebreu 9:6

Achi, yino yuma se ayilulikile chocho, asasendote kakunjilanjila matangwa eswe mu mbalaka yitangu nikulingalinga uvumbiko wo;