Kwalula 18:13 - MUKANDA USANDU WA ZAMBI 1975

¹³ Mihuko yitangu ya mu chifuchi cho cheswe mayineha kuli Yehova, yikapwe ya mbala ya yena. Akwa jiko lie eswe anapeme akayilie.

Mukanda Wa Zambi 1970

¹³ Yeswe yili ya yena. Mutu mweswe wa ku vungu lie yoze kalichishile mahasa kuyilia.

Kwalula 18:13 Iomraidhean Croise

1 MIANANGANA 4:42

Kwakatukile umwe lunga ku Mbale-Shalisha nikuneha kuli mutu wa Zambi mbolo ya mihuko yitangu, makumi aali a mbolo ja sevada, ni njeke ya mbuto ya wisu. Elisha yamba ngwenyi, Hanenu kuli atu, alie.

2 Sango Ja Mianangana 31:5

Mba muze shimbi yino hiyafumana A-Izalele yahana mbuto yitangu ya tiliku, ni vinyu, ni maji, ni wuchi, ya kulumbama, ni ya mbuto yeswe ya mu minda. Chihanda cha kumi cha yuma yeswe yaneha ya kulumbama.

Kutuhuka 22:29

Kanda ukalaluka kutambula ya ku kulumbama cha mbuto ye, ni ya ku maji a mu ukamino we. Tupula-majimo a kuli ané a malunga ukaahane kuli yami.

Kutuhuka 23:19

Ukahetese mu zuwo lia Yehova Zambi ye, yitangu ya kuhia ya ku mbuto ya mu minda ye. Kanda ukateleka mwana-pembe mu yamwa ya naye.

Kutuhuka 34:26

Yitangu ya kuhia ya ku mbuto ya mu minda ye ukatwale ku zuwo lia Yehova Zambi ye. Kanda ukateleka mwana-pembe mu yamwa ya naye.

Jeremia 24:2

Mutonga umwe uli ni makuyu apema chikolo, ngwe waze mahanga kuhia, alioze mutonga ukwo uli ni makuyu api chikolo. Hapiha chocho mutu kechi kuhasa kwalia.

Ezekiel 44:30

Yitangu ya mbuto yitangu ya milali yeswe, ni milali yeswe ya milambu yenu yeswe muyipwa ya mbala ya asasendote. Munukahana nawa kuli asasendote utangu wa wunga wenu wa kuchika mbolo hanga chiwape chikatwame ha munyachi wenu.

Hosea 9:10

Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.

Alevi 22:7

Muze tangwa hilianjila makapema. Mba kulutwe makalia yuma yisandu mumu yapwa kulia chenyi.

Alevi 23:17

Munuchiza ku mazuwo jenu mbolo jiali akajihungise ja kulinga ni yihanda yiali ya ku yihanda kumi ya njongo ya efa. Jikapwe ja wunga wafufunuka, ja kwocha ni futunwiso jikapwe ja mbuto yitangu kuli Yehova.

Mika 7:1

Lamba liami mumu hinapwa ngwe muze mihuko ya lwiza hayihela; muze uva hayihela, kukushi chichakata cha kulia, chipwe kuyu litangu kuhia, lize mbunge yami yakuzanga.

Shimbi 18:4

Mbuto yitangu ya ku mbuto yenu, ni ya ku vinyu yenu, ni ya ku maji jenu, ni wona utangu wa ku mapanga jenu, nukamweheyo.

Shimbi 26:2

Ukande mbuto yitangu ya ku mbuto yeswe muyima hashi, mukunga ku chifuchi Yehova Zambi ye anakwehecho, uyise mu mutonga, uye kuze Yehova Zambi ye matongola kusa jina lienyi.