Kwalula 18:11 - MUKANDA USANDU WA ZAMBI 1975

¹¹ Niye yino: mulambu wa kuzundula wa yawana yo, te milambu yeswe ya kuhungisa ya A-Izalele. Hingunakweheyo, ni kuli yena, ni kuli ana je a malunga, ni kuli ana je a mapwo hamwe ni yena, yikapwe chiyulo cha mutolo. Akwa jiko lie eswe anapeme akayilie.

Mukanda Wa Zambi 1970

¹¹ “Kuweza ho nawa, yuma yeswe yize atu akuhandununa ya ku milimo ya kuhungisa muyibwa ni yenu, mungunwaha yo yena ni ana je a malunga ni a mapwo ndoo ku miaka yeswe. Mutu mweswe wa ku vungu lie yoze kalichishile mahasa kuyilia.

Kwalula 18:11 Iomraidhean Croise

Alevi 10:14

Alioze pambo lia kuhungisa ni chilama cha kuzundula nukayilie kuma kweswako kupema, ni yena ni ane a malunga, ni ane a mapwo hamwe ni yena, mumu hanakweheyo yikapwe chihanda che ni cha ane a malunga, ya ku yitapo ya milambu ya sambukila ya A-Izalele.

Alevi 7:14

Mba akalambule umuwika ukapwe mulambu wa kuzundula kuli Yehova. Muukapwa wa mbala wa sasendote mukwa kusapwila manyinga a mulambu wa sambukila.

Kwalula 18:1

Yehova yamba kuli Arone ngwenyi, Ni yena ni ana je a malunga ni akwa jiko lia tatenu hamwe ni yena kumunukambata uhenge wa muma musandu. Ni yena ni ana je a malunga hamwe ni yena kumunukambata uhenge wa usasendote wenu.

Kwalula 18:10

Ukayilie ngwe yuma yisandu yahiana. Malunga eswe akayilie. Yikapwe yisandu kuli yena.

Kwalula 18:19

Milambu yeswe ya kuzundula ya ku yuma yisandu A-Izalele matambula kuli Yehova, hingunakweheyo yena, ni kuli ana je a malunga, ni kuli ana je a mapwo hamwe ni yena, yikapwe chiyulo cha mutolo. Kuchapwa usendo wa mungwa wa mutolo kumeso ja Yehova kuli yena ni kuli ana je hamwe ni yena.

Kwalula 18:8

Yehova yamba kuli Arone ngwenyi, Kutala! Hingunakwehe ulayilo wa milambu yami ya kuzundula, ewa yuma yeswe yisandu ya A-Izalele; kuli yena hingunayihana, mumu ha mukunda wa kuwayisa cha maji, ni kuli yena ni kuli ana je a malunga, yikapwe chiyulo cha mutolo.

Shimbi 18:3

Atu chatamba kuhana kuli sasendote yuma yino, te ya kuli akwa kulambula yitapo, apwe ngombe, apwe panga, ahane kuli sasendote chilama, ni mbangachi jeswe ni jiali ni lufu.