Kwalula 17:8 - MUKANDA USANDU WA ZAMBI 1975

⁸ Mukwachako, Mose wanjilile mu mbalaka ya Shindakenyo; kutala, mulumbu wa Arone wa ku munyachi wa Levi unasokoloka, unatemuna yitemo, unemi amendoa ja kuhia.

Mukanda Wa Zambi 1970

⁸ Muze hikwacha Mose yanjila mu zuwo lia Zambi, yamona lukanda wa Arone, wa ku vungu lia Levi, hasoka miji ni mafwo ni yitemo, ni hema mihuko ya mikeshi!

Kwalula 17:8 Iomraidhean Croise

Ubutukilo 40:10

Mu muuva mwapwanga mitango yitatu, mba ngwe yiutemuna, yiusolola yikeno yawo, ni yichakata yawo ya uva hiunahi kulu.

Miaso (Masamu) 110:2

Yehova kumakatuma lukanda wa tachi je mu Zaione. Yula yena hakachi ka akwa kole je.

Mwaso Ubema Wahiana 2:3

Ngwe mutondo wa masá hakachi ka mitondo va mu yambu, chocho mukwa zango liami kapwa hakachi ka akweze. Natwamine mu Chizulie chenyi nikuwahilila chikolo, mihuko yenyi kuyemayo mu kanwa liami.

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Ezekiel 17:24

Ni mitondo yeswe ya mu yambu muyinyingika yami Yehova nakulelesa mutondo usuku; nakunangamisa mutondo wihi; nakuumisa mutondo wa wisu, nakutatwisa mutondo umu. Yami Yehova Hachamba; mungukachilinga.

Ezekiel 19:12

Alioze muuva autukwile ni ufwatulo nikuumbila hashi. Yiuma ni fuji ya ku Chivumbuko; yachiza mihuko yawo hululu; chishina chawo chomine; chaliwile ni kahia.

Ezekiel 19:14

Kahia hikatuhukila ku chishina, hikalia mitango ni mihuko; chocho kuushi nawa ni chishina cha tachi, chipwe lukanda wa mukwa kuyula. Chino chapwa mwaso wa lungungu, hichalumuka nawa mwaso wa lungungu.

Kwalula 16:5

Yamba kuli Kora ni ku mbunga yenyi yeswe ngwenyi, Hamene Yehova makasolola yoze mapwa niwenyi, yoze mapwa musandu; makamukundamisa kuli iye. Yoze makamutongola, kumakamukundamisa kuli iye.

Kwalula 17:5

Muchikapwa, mulumbu wa mwe mutu mungukatongola muusokoloka. Mba kulinyenyeta cha A-Izalele chize alinyenyeta hali yena mungukachiholesa kumeso jami.

Kwalula 17:9

Mose yatuhwisa milumbu yeswe kumeso ja Yehova nikuyitwala kuli A-Izalele eswe. O yatala, mba mutu mweswe wanjile mulumbu wenyi.

Hebreu 9:4

uli ni chilumbilo cha oru, cha insensu, ni mushete wa usendo wa kufuka ni oru ha malumbu eswe; muze mwapwile ndeho ya oru, yize yapwile ni maná, ni mulumbu wa Arone, uze watemwine, ni mawe ja usendo.