Kwalula 17:5 - MUKANDA USANDU WA ZAMBI 1975

⁵ Muchikapwa, mulumbu wa mwe mutu mungukatongola muusokoloka. Mba kulinyenyeta cha A-Izalele chize alinyenyeta hali yena mungukachiholesa kumeso jami.

Mukanda Wa Zambi 1970

⁵ Lukanda wa mutu yoze hingunatongola masoka mafwo. Chenache mungukaholesa Aisraele waze akununyenyeta.”

Kwalula 17:5 Iomraidhean Croise

2 Sango Ja Mianangana 26:16

Alioze muze hatakama, mbunge yenyi yiyilifuza alinge uhenge, mba yavulumuna Yehova Zambi yenyi. Yanjila mu tembele ya Yehova akoche insensu ha chilumbilo cha insensu.

Ezra 2:62

Wano afupile majina jo mu mukanda wa yisemuko, alioze kaawanyine; kashika aamwene ngwe a luchisa, aakatwishile ku usasendote.

Miaso (Masamu) 105:26

Watumine kavumbi kenyi Mose hamuwika ni Arone yoze amutongwele.

Kutuhuka 16:7

Mba muze mu kucha kumunukamona ulemu wa Yehova, mumu iye kanevu kulinyenyeta chenu ni Yehova. Yetu aya? Munulinyenyeta ni yetu nyi?

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 13:11

Mungukafwetesa akwa hashi ha yipi yo, mungukafwetesa yingulungulu ha uhenge wo. Mungukasulisa kulengumuka cha akwa kulizata, mungukanunguna kulifuza cha yiswi.

Izaya 27:6

Ha matangwa a kulutwe Yakomba masoka miji; Izalele matemuna yitemo ni kusokesa mafwo, ni kuzalisa hashi heswe ni mihuko.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Ezekiel 16:41

Makocha mazuwo je nikukulinga upatwilo kumeso ja mapwo anji. Mungukamanyisa ndako je ja ukoi; kuchi kafweta nawa malunga.

Ezekiel 23:27

Chocho mungumanununa usolo we ni ukoi we uze wachijile mu chifuchi cha Engitu; kashika kuchi kahetula meso je kuli A-Engitu chipwe kwewuluka nilimwe tangwa.

Hosea 14:5

Mungukapwa kuli A-Izalele ngwe mume mba makatanda miji ngwe Lebano nikutemuna yitemo ngwe lirio.

Kwalula 1:51

Muze munuya mu wenyi ni tabernakulu, A-Levi ayizule, mba muzemayitunga e A-Levi ayimike. Nyi mukukundama umwe mukwo, akamushihe.

Kwalula 11:1

Atu alinyenyetene nikuhanjika yipi ku matwi ja Yehova. Muze Yehova achivwile, utenu wenyi wakasumukine, mba kahia ka kuli Yehova kalekwokele hakachi ko. Yikalalisa ku songo lia chilombo.

Kwalula 16:11

Kashika ni yena ni mbunga ye yeswe nunakunguluka nikulimika ni Yehova. Arone kuchi apwa, nunalinyenyeta hali iye?

Kwalula 16:5

Yamba kuli Kora ni ku mbunga yenyi yeswe ngwenyi, Hamene Yehova makasolola yoze mapwa niwenyi, yoze mapwa musandu; makamukundamisa kuli iye. Yoze makamutongola, kumakamukundamisa kuli iye.

Kwalula 17:10

Yehova yamba kuli Mose ngwenyi, Hilwisa mulumbu wa Arone kulutwe lia Shindakenyo, mukuufunga ukapwe chilayi cha akwa kukolema, hanga ukaholese kulinyenyeta cho hali yami, kuchina mafwa.

Kwalula 17:6

Mose yahanjika ni A-Izalele; mba miata jo eswe yamwaha milumbu, mulumbu hali mwata, mulumbu hali mwata, nikulita ni minyachi ya tulamba two, te kumi lia milumbu ni milumbu yiali. Mulumbu wa Arone wapwile hamwe ni milumbu yo.

Kwalula 17:8

Mukwachako, Mose wanjilile mu mbalaka ya Shindakenyo; kutala, mulumbu wa Arone wa ku munyachi wa Levi unasokoloka, unatemuna yitemo, unemi amendoa ja kuhia.

1 Korintu 10:10

Chipwe kanda nulinyenyeta ngwe amwe a kuli ayo alinyenyetene, mba aonwene kuli chenyeke.

Yoshua 4:7

Mba munwaambulwila ngwenu, Meya a Yordau apatukile kumeso ja mushete wa usendo wa Yehova. Muze mushete wazaukile Yordau mba meya a Yordau apatukile. Chocho mawe ano mapwa Chiwulwiso cha mutolo kuli A-Izalele.