Kwalula 17:10 - MUKANDA USANDU WA ZAMBI 1975

¹⁰ Yehova yamba kuli Mose ngwenyi, Hilwisa mulumbu wa Arone kulutwe lia Shindakenyo, mukuufunga ukapwe chilayi cha akwa kukolema, hanga ukaholese kulinyenyeta cho hali yami, kuchina mafwa.

Mukanda Wa Zambi 1970

¹⁰ Mwene Zambi yambila Mose ngwenyi: “Hilwisa lukanda wa Arone kulutwe lia mushete wa Usendo. Ukamufunga ha kukanyamisa Aisraele waze akulimika ni yami. Nyi keechi kulitwamina kumaakafwa.”

Kwalula 17:10 Iomraidhean Croise

Miaso (Masamu) 57:4

Mwono wami watwama hakachi ka ndumba. Ngunapombo hakachi ka waze akuhwilijela kahia; chipwe ana ja atu aze akwete mazo ngwe makunga ni mivu; limi lio liapwa ngwe katana wa kuhela.

Kutuhuka 16:32

Mose yamba ngwenyi, Achi chuma chino ambile Yehova ngwenyi, Tulikilenu yisemuko yenu kachisoka ka tò nayo, hanga akatale kulia chino nanulishile mu puya muze nanuchijile ku chifuchi cha Engitu.

Kutuhuka 16:34

Ngwe Yehova ambile kuli Mose chocho Arone yayitulikila kulutwe lia Shindakenyo akayifunge.

Izaya 1:2

Malilu, panjikenu. Hashi, neha matwi je. Mumu Yehova hanahanjika. Hinalela ana ni kwahoka, alioze hanangukatukila.

Hosea 10:9

Enu A-Izalele, chize ku matangwa a Ngibia hinwavulumuna. Kwenako halikoleza nacho. Jita kuyichi kaawana te mu Ngibia?

Kwalula 14:5

Hohene Mose ni Arone yafulamana kumeso ja mbunga yeswe ya chikungulwila cha A-Izalele.

Kwalula 16:21

Lihandununenu ku chikungulwila chino, hanga ngwamanune mu kashimbu kakepekepe.

Kwalula 16:38

Ye yikwachilo ya wano atu halivulumuna mwono woene, nukayifule yuma yasamana ya kutatula, yikapwe chifuko cha ha chilumbilo; mumu o yayilambula kumeso ja Yehova, kashika kuyapwa yisandu. Yikapwe chilayi kuli A-Izalele.

Kwalula 16:40

Chikapwe Chiwulwiso kuli A-Izalele, kuchina umwe mukwo, hi wa kuli ana a Arone ko, makundama, akoche insensu kumeso ja Yehova; hanga kechi kupwa ngwe Kora, ni ngwe mbunga yenyi; chizechene ngwe Yehova wambile kuli iye ku kanwa lia Mose.

Kwalula 17:11

Chocho alingile Mose, chizechene ngwe Yehova amwambile, chocho chialingile iye.

Kwalula 17:4

Ukayitulikile mu mbalaka ya chikungulwila, kwe kulutwe lia Shindakenyo muze nakulitakana ni yena.

Kwalula 17:9

Mose yatuhwisa milumbu yeswe kumeso ja Yehova nikuyitwala kuli A-Izalele eswe. O yatala, mba mutu mweswe wanjile mulumbu wenyi.

Kwalula 20:9

Mose yanda mulumbu kumeso ja Yehova, chizechene ngwe amwambile.

Kwalula 4:18

Kanda nukateta munyachi wa majimo a A-Kohate hakachi ka A-Levi.

1 Korintu 10:10

Chipwe kanda nulinyenyeta ngwe amwe a kuli ayo alinyenyetene, mba aonwene kuli chenyeke.

Efesu 5:6

Niumwe kanda akanwonga ni maliji amokomoko: mumu ha yino yuma utenu wa Zambi kumuwiza hali akwa uhulia.

Shimbi 9:24

Chize ku tangwa lize nanunyingikine, hinwakolema Yehova.

Shimbi 9:7

Iwulukenu, kanda nuvulama ngwe yenu nwehile Yehova Zambi yenu mu puya, chize ku tangwa nwakatukile ku chifuchi cha Engitu, ndo nwahetele kuno, enu kunwakolema Yehova.

Hebreu 9:4

uli ni chilumbilo cha oru, cha insensu, ni mushete wa usendo wa kufuka ni oru ha malumbu eswe; muze mwapwile ndeho ya oru, yize yapwile ni maná, ni mulumbu wa Arone, uze watemwine, ni mawe ja usendo.

1 Samuel 2:12

Ana ja Eli o apwile atu amokomoko. Kanyingikine Yehova.

1 Samuel 30:22

Henaho yingulungulu ni atu amokomoko hakachi ka waze ayile ni David yamba ngwo, Upite uno hitwahilwisa kutuchi kuuhana kuli wano se kayile hamwe ni yetu. Mutu mweswe manda pwo lienyi ni ana jenyi aye kwenyi; kunahu.