Kwalula 16:5 - MUKANDA USANDU WA ZAMBI 1975

⁵ Yamba kuli Kora ni ku mbunga yenyi yeswe ngwenyi, Hamene Yehova makasolola yoze mapwa niwenyi, yoze mapwa musandu; makamukundamisa kuli iye. Yoze makamutongola, kumakamukundamisa kuli iye.

Mukanda Wa Zambi 1970

⁵ Mba yambila Kora ni mbunga yenyi ngwenyi: “Hamene chichamene Mwene Zambi makasolola atu jenyi, makatayiza mutu wenyi yoze iye mwene hatongola kukundama ku chilumbilo.

Kwalula 16:5 Iomraidhean Croise

Miaso (Masamu) 105:26

Watumine kavumbi kenyi Mose hamuwika ni Arone yoze amutongwele.

Miaso (Masamu) 115:10

Enu akwa jiko lia Arone fulielenu Yehova, iye chikwashi cho kanda lukepwe wo.

Miaso (Masamu) 65:4

Kawaha yoze wamutongola yena nikumukundamisa kuli yena, akatwame mu yize ye. Mutuyuka ni upeme wa zuwo lie; muma musandu mu tembele ye.

Kutuhuka 28:1

Ukakundamise kuli yena yayenu Arone ni ana jenyi a malunga hamwe nenyi, kwachiza kuli A-Izalele hanga iye akangulingile usasendote; ni Arone, ni Nandambe, ni Ambihu, ni Elieza, ni Itama, eswe te ana a malunga a Arone.

Kutuhuka 28:41

Ukajikeyo yayenu Arone ni ana jenyi a malunga. Ukaawayise ni maji. Ukaasele ku uvumbiko. Ukaasele usandu hanga akangulingile usasendote.

Kutuhuka 28:43

Arone ni ana jenyi a malunga akamuzale muze manjila mu mbalaka ya chikungulwila hanji muze makundama ku chilumbilo mukuvumbika muma musandu, kuchina mambata uhenge mba mafwa. Chikapwe chiyulo ndo ku miaka ya mutolo hali iye ni hali ana jenyi kulutwe lienyi.

Jeremia 30:21

Mwanangana wo makapwa umwe niwo, mukwa kwayula masolokela hakachi ko. Mungukamukundamisa mba meza kuli yami, mumu iya mahamuka kukundama kuli yami ni poko yenyi mwene? Chocho kanambe Yehova.

Jeremia 49:19

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye, mba mungusela kumuyula mweswawo ngunazange yami. Mumu iya walifwa ni yami? Iya mangusanyika? Kafunga muka mahasa kumana kumeso jami?

Jeremia 50:44

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye; mba mungusela kumuyula mweswawo ngunazange. Mumu iya walifwa ni yami? Iya mangusanyika? Kafunga muka mahasa kumana kumeso jami?

Ezekiel 40:46

ni chipatulo chatalikisa ku Norte, cha asasendote waze akufunga chilumbilo; o ana ja Zadoke, o wika hakachi ka ana ja Levi mahasa kukundama kuli Yehova nikumuvumbika.

Ezekiel 43:19

munukahana kuli asasendote a Levi a ku munyachi wa Zadoke, waze akukundama kuli yami mukunguvumbika, kuji ya ngombe akapwe mulambu ha shili. Chocho kanambe Mwene Yehova.

Ezekiel 45:4

Chino muchikapwa chihela chisandu cha chifuchi. Muchikapwa cha asasendote waze akuvumbika mu zuwo lisandu ni kukundama kuli Yehova amuvumbike. Muchikapwa nawa chihela cha mazuwo jo ni chihela chisandu cha zuwo lisandu.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Alevi 8:2

Twala Arone ni anenyi a malunga hamwe nenyi, ni e mazalo, ni e maji a kuwayisa no, ni kuji ya ngombe wa mulambu ha shili, ni kuji a mapanga aali, ni matonga wa mbolo kuyishi futunwiso.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Kwalula 16:3

Yalikungulula nikulimika ni Mose ni Arone, yamba kuli ayo ngwo, Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko. Kuchi te nunalitangala helu lia mbunga ya Yehova?

Kwalula 16:6

Lingenu chino: Enu Kora ni mbunga yenyi yeswe, andenu yikwachilo ya insensu.

Kwalula 17:5

Muchikapwa, mulumbu wa mwe mutu mungukatongola muusokoloka. Mba kulinyenyeta cha A-Izalele chize alinyenyeta hali yena mungukachiholesa kumeso jami.

Kwalula 17:8

Mukwachako, Mose wanjilile mu mbalaka ya Shindakenyo; kutala, mulumbu wa Arone wa ku munyachi wa Levi unasokoloka, unatemuna yitemo, unemi amendoa ja kuhia.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 1:24

Mba alembele, ngwo, Mwene, mukwa kunyingika mbunge ja eswe, tulweze kama hakachi ka wano aali yoze hiunamutongola.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 15:7

Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele.

Yilinga 22:14

Iye wambile ngwenyi, Zambi ya tulamba twetu hanakusela kunyingika upale wenyi, nikumona mukwa ululi, nikwivwa liji mu kanwa lienyi.

Efesu 2:13

Alioze haliapwila muli Kristu Yesu, yenu ha miaka ya kunyima nwapwile kusuku, hananukundamisa mumu ha manyinga ja Kristu.

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.

Hebreu 12:14

Kaulenu sambukila hamwe ni atu eswe, ni usandu, uze mutu kechi kamona Mwene nyi keshi nawo.

Usolwelo 1:6

watupwishile wanangana, asasendote kuli Zambi yenyi kanda Tato; uhenya ni ndundo yikapwe kuli iye ndo ku miaka ya mutolo. Amene.

1 Samuel 2:28

Chamusakwile hakachi ka minyachi yeswe ya Izalele akapwe sasendote yami, akakundame ku chilumbilo chami kwochela insensu, nikuzala efode kumeso jami, nyi? Chahanyine kuli munyachi wa tatenu milambu yeswe ya kahia ya A-Izalele, nyi?