Kwalula 16:3 - MUKANDA USANDU WA ZAMBI 1975

³ Yalikungulula nikulimika ni Mose ni Arone, yamba kuli ayo ngwo, Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko. Kuchi te nunalitangala helu lia mbunga ya Yehova?

Mukanda Wa Zambi 1970

³ Yaakunguluka ku meso ja Mose ni Arone ni kulimika no, ngwo: “Hikwahwa! Mbunga yeswe ya Chikungulwila kaali a linanga, Mwene Zambi kali mukachi ketu. Mba yenu, ni chiyulo chika nunalitohwesela mukachi ka Chikungulwila cha Mwene Zambi?”

Kwalula 16:3 Iomraidhean Croise

Ezra 9:2

Mumu hambata ana jo a mapwo, hali ene ni hali ana jo. Chocho munyachi usandu hiunalifutula ni akwa yifuchi. Ni e alemu ni akwa kuyula hatetekela mu mulonga uno.

Miaso (Masamu) 106:16

Mu chilombo evwilile ukwa Mose, hamwe ni Arone mwe musandu wa Yehova.

Miaso (Masamu) 68:17

Matemba a Zambi a jita apwa makumi aali a tununu, chipwe tununu twa tununu. Mwe Mwene kwali hakachi ko ngwe ku Sinai muma mwenyi musandu.

Kutuhuka 19:6

Kumunukapwa kuli yami munyachi wa asasendote, vungu lisandu. Wano maliji muwambulula kuli A-Izalele.

Kwalula 14:14

O kumakachambulula kuli atu atwama mu chifuchi chino. O hevwa ngwo, Yehova hwali hakachi ka wano atu; mumu yena wakulimona no meso ni meso. Lelwa lie kuliakumana helu lio. Yena kuwakwatetekela, ha mwalwa mu nguji lia lelwa, ni ha ufuku mu nguji lia kahia.

Kwalula 16:11

Kashika ni yena ni mbunga ye yeswe nunakunguluka nikulimika ni Yehova. Arone kuchi apwa, nunalinyenyeta hali iye?

Kwalula 16:41

Mukwachako chikungulwila cheswe cha A-Izalele yalinyenyeta hali Mose ni hali Arone ngwo, Hinwashiha atu a Yehova.

Kwalula 16:7

Senumo kahia, senuho insensu nawa kumeso ja Yehova hamene; mba mweswawo Yehova mamutongola, iye akapwe musandu. Hikwahwa ni yenu, enu A-Levi.

Kwalula 23:21

Kamwene uhenge muli Yakomba, chipwe kumona uhuka mu Izalele, kaumweneko. Yehova Zambi yenyi hamuwika nenyi ali. Mutambi wa mwanangana uli hakachi ko.

Kwalula 35:34

Kanda nukachisa chifuchi nunatwamamo, mwenamo ni yami natwama. Mumu yami Yehova natwama mukachi ka A-Izalele.

Kwalula 5:3

Ni malunga ni mapwo nukaakatwise, he haze lia chilombo nukaakatwise, hanga kechi kachisa chilombo cho muze natwama yami.

Yilinga 7:39

kuli iye tulamba twetu katayile kwononoka, alioze amuchinjile kuli ayo, atewulukilile kunyima mu mbunge jo ku Engitu.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.