Kwalula 16:2 - MUKANDA USANDU WA ZAMBI 1975

² Yamana ha molu kumeso ja Mose, hamuwika ni A-Izalele amwe, ni kulakaji aali a miata ni makumi atano a miata a chikungulwila, te haatambika ku mbunga, malunga a lufuma.

Kwalula 16:2 Iomraidhean Croise

Ubutukilo 6:4

Kwapwile yindululu hashi ha matangwa aze. Mba kulutwe nawa muze ana a malunga a Zambi anjilile kuli ana ja atu a mapwo, o aasemenene ana. Ana aze apwile akwa ndundo a shakulu; akwa lufuma.

1 Sango Ja Mianangana 12:30

A-Eframe Makumi aali a tununu ni kulakaji nake akwa ndundo ni hamu a kufumana mu minyachi ya atato.

1 Sango Ja Mianangana 5:24

Akwa lutwe a minyachi ya atato wano: Efwe, ni Ishi, ni Eliele, ni Azriele, ni Jeremia, ni Hodavia, ni Jahadiele, malunga a tachi ni hamu, a lufuma, akwa lutwe a minyachi ya atato.

Ezekiel 16:14

Lufuma we wafumanyine hakachi ka mavungu mumu ha upeme we, mumu wapemene liakulu ni uhenya uze te nakuhele yami. Chocho kanambe Mwene Yehova.

Ezekiel 23:10

O amufukwile; yakwata anenyi a malunga ni a mapwo; mwene yamushiha ni katana, mba yalumuka kashilikilo hakachi ka mapwo muze te hanamupatwila.

Kwalula 1:16

Wano ene yaatambika a ku chikungulwila, miata a ku minyachi ya atato. O apwile akwa lutwe a tununu twa A-Izalele.

Kwalula 12:1

Miriame ni Arone ahanjikile nikulimika ni Mose, mumu hali pwo Ka-Kushe amumbachile kuli Mose, se iye hambata pwo Ka-Kushe.

Kwalula 16:35

Kahia yikatuhuka ka kuli Yehova, yikalalisa e kulakaji aali a atu ni makumi atano a atu waze machilambula insensu.

Kwalula 26:9

Ana a malunga a Eliape: ni Nemule ni Ndatane ni Apirame. Ano apwile Ndatane ni Apirame aatambikile ku chikungulwila, alitachikile ni Mose ni Arone mu mbunga ya Kora muze alitachikile ni Yehova.

Kwalula 27:3

Tata wafwile mu puya, iye kapwile hakachi ka mbunga ya atu alikungulwile nikulimika ni Yehova, mu mbunga ya Kora, hindu iye yafwa ni mutonga wenyi mwene. Kapwile ni ana a malunga.