Kwalula 15:8 - MUKANDA USANDU WA ZAMBI 1975

⁸ Muze mululika kuji ya ngombe akapwe mulambu wa kulumba, hanji chitapo, mukumanununa chilakenyo chimwe, hanji milambu ya sambukila kuli Yehova,

Mukanda Wa Zambi 1970

⁸ Muze makalambula kuji a ngombe kuli Mwene Zambi mulambu wa kwocha hanji mulambu wa kumanununa nawo chilakenyo, hanji mulambu wa kulivwa ni Zambi,

Kwalula 15:8 Iomraidhean Croise

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 1:9

Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Alevi 22:21

Muze umwe matambula chitapo cha mulambu wa sambukila kuli Yehova, ha kumanununa chilakenyo, hanji wa ku mbunge yenyi, apwe wa ngombe, hanji wa panga, hanji wa pembe, kechi kuhasa kumutambula ndo mapwa mupema. Kechi kuhasa kupwa ni chipa.

Alevi 3:1

Nyi kachi mulambu wenyi muukapwa chitapo cha sambukila, kachi matambula wa ngombe, chipwe kuji, chipwe chihwo, akamutambule keshi chipa kumeso ja Yehova.

Alevi 3:5

Ana ja Arone, akayilumbe ha chilumbilo ha mulambu wa kulumba uze uli ha kunyi ha kahia, ukapwe mulambu wa kahia, wa lupembo mupema kuli Yehova.

Kwalula 15:24

nyi nwachilinga, kunwachinyingikine, te chikungulwila kachinyingikine, chikungulwila cheswe akalambule chimbembe wa kuji akapwe mulambu wa kulumba, wa lupembo mupema kuli Yehova, hamwe ni mulambu wawo wa wunga ni mulambu wawo wa kunwa, nikulita ni chiyulo, ni kuji ya pembe umuwika mulambu ha shili.

Kwalula 15:7

Mulambu wa kunwa ukaulambule wa chihanda chimuwika cha ku yihanda yitatu ya hine ya vinyu, wa lupembo mupema kuli Yehova.

Kwalula 15:9

ukalambule hamwe ni mwe kuji ya ngombe mulambu wa wunga wa yihanda yitatu ya ku kumi lia yihanda ya efa ya wunga wafufunuka, wa kuchinga ni chihanda cha hakachi cha hine ya maji.

Kwalula 8:8

Mba akakwate chimbembe wa kuji hamwe ni mulambu wenyi wa wunga, te wunga wafufunuka, wa kuchinga ni maji. Ukakwate chimbembe wa kuji mukwo akapwe mulambu ha shili.