Kwalula 15:5 - MUKANDA USANDU WA ZAMBI 1975

⁵ Ni vinyu ya mulambu wa kunwa, chihanda chimuwika cha ku yihanda yiwana ya hine, ukalulike hamwe ni mulambu wa kulumba, chipwe ha yitapo, hali mwana-panga mweswe.

Kwalula 15:5 Iomraidhean Croise

2 Sango Ja Mianangana 29:35

Chikwo nawa milambu ya kulumba yapwile ya kulumbama, hamwe ni maji a milambu ya sambukila, ni milambu ya kunwa ha mulambu weswe wa kulumba. Chocho uvumbiko wa zuwo lia Yehova yaululika.

Ezra 7:17

Kashika musela mbunge ye kulanda ni mbongo jino kuji a ngombe ni kuji a mapanga ni ana-mapanga hamwe ni milambu yo ya wunga, ni milambu yo ya kunwa, ukayitambule ha chilumbilo cha zuwo lia Zambi yenu lize lili mu Yerusaleme.

Miaso (Masamu) 116:13

Mungwanda musenge wa ulamwino, mba mungusanyika ha jina lia Yehova.

Kutuhuka 29:40

Hamwe ni mwana-panga umwe ukatambule chihanda chimuwika cha ku kumi lia yihanda ya wunga wafufunuka, cha kuchinga ni chihanda chimuwika cha ku yihanda yiwana ya *hine ya maji a kusohola ni chihanda chimuwika cha ku yihanda yiwana ya *hine ya vinyu, yikapwe mulambu wa kunwa.

Mwaso Ubema Wahiana 1:4

Ungukoke mutuzomboka kunyima ye. Mwanangana hananguneha ku yipatulo yenyi. Mutulikwiza ni kuwahilila muli yena; mutuhalisa zango lie kuhiana vinyu; chinate akuzange.

Alevi 1:10

Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 23:13

Mulambu wawo wa wunga muupwa wa yihanda yiali ya ku yihanda kumi ya njongo ya efa ya wunga wafufunuka wa kuchinga ni maji. Akaulambule ni kahia kuli Yehova ha lupembo mupema. Mulambu wawo wa kunwa ukapwe wa vinyu, chihanda chamuchiwana cha njongo ya hine.

Alevi 3:6

Nyi mulambu wenyi wa chitapo cha sambukila kuli Yehova muukapwa wa panga, hanji pembe, chipwe kuji, chipwe chihwo, akamutambule keshi chipa.

Alevi 3:7

Nyi matambula mwana-panga akamutambule kumeso ja Yehova.

Zakaria 9:17

Ewa muchikapwa chipema, cha uhenya. Mbuto muyikawahisa akweze ni vinyu yaha muyikawahisa ana-mapwo.

Kwalula 15:11

Chocho nukalingile kuji mweswe wa ngombe, ni kuji mweswe wa panga, ni mwana-panga mweswe wa kuji, ni mwana-pembe mweswe.

Kwalula 15:6

Chipwe ha kuji ya panga ukalulike mulambu wa wunga wa yihanda yiali ya ku kumi lia yihanda ya efa, wunga wafufunuka, wa kuchinga ni chihanda chimuwika cha ku yihanda yitatu ya hine ya maji.

Kwalula 28:14

Ni milambu yo ya kunwa yikapwe ya chihanda cha hakachi cha hine ya vinyu hali chimbembe wa kuji, ni chihanda chimuwika cha ku yihanda yitatu ya hine hali mwe kuji ya panga, ni chihanda chimuwika cha ku yihanda yiwana ya hine hali mwanapanga. Uno we mulambu wa kulumba wa kakweji ha kakweji, ndusu tukweji twa mwaka.

Kwalula 28:7

Ni mulambu wawo wa kunwa ukapwe wa chihanda chimuwika cha ku yihanda yiwana ya hine, hali mwanapanga umuwika. Muma musandu Ukazujile Yehova mulambu wa kunwa chisasu.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

2 Timoteu 4:6

Mumu himungutehuka, mwaka wa kutusuka chami hiweza.

Akwa Kuyula 9:13

Alioze mutondo wa uva wambile ngwenyi, Te munguhichika vinyu yami yize yakuwahisa mazambi ni malunga, ngukaye ngukayule mitondo, nyi?