Kwalula 15:4 - MUKANDA USANDU WA ZAMBI 1975

⁴ mba mukwa kulambula mulambu wenyi akalambule kuli Yehova mulambu wa wunga wa chihanda chimuwika cha ku kumi lia yihanda ya efa, wunga wafufunuka, wa kuchinga ni maji a chihanda chimuwika cha ku yihanda yiwana ya hine.

Mukanda Wa Zambi 1970

^4-5 Yoze makalambula mwana panga hanji pembe mulambu wa kwocha kuli Mwene Zambi, akaneha nawa kilo yimuwika ya wunga wa kuchinga ni maji a olive, ngwe mulambu wa mbuto, hamwe ni litro yimuwika ya vinyu.

Kwalula 15:4 Iomraidhean Croise

Ezra 7:17

Kashika musela mbunge ye kulanda ni mbongo jino kuji a ngombe ni kuji a mapanga ni ana-mapanga hamwe ni milambu yo ya wunga, ni milambu yo ya kunwa, ukayitambule ha chilumbilo cha zuwo lia Zambi yenu lize lili mu Yerusaleme.

Kutuhuka 29:40

Hamwe ni mwana-panga umwe ukatambule chihanda chimuwika cha ku kumi lia yihanda ya wunga wafufunuka, cha kuchinga ni chihanda chimuwika cha ku yihanda yiwana ya *hine ya maji a kusohola ni chihanda chimuwika cha ku yihanda yiwana ya *hine ya vinyu, yikapwe mulambu wa kunwa.

Izaya 66:20

O kumakachiza usoko wenu hakachi ka mavungu akapwe mulambu kuli Yehova. Maaneha hali tuvwalu, ni mu matemba, ni mu manda, ni hali mula, ni hali tumelu, ndo ku mulundu wami usandu ku Yerusaleme, ngwe A-Izalele kakuneha mulambu wo wa wunga mu chikwachilo chipema ku zuwo lia Yehova. Chocho kanambe Yehova.

Ezekiel 46:14

Makahana mulambu wa wunga hamwe nenyi tangwa ha tangwa; chihanda cha sambano cha *efa, ni chihanda cha yitatu cha *hine ya maji kuwulisa wunga ukapwe mulambu wa wunga kuli Yehova. Ye shimbi ya mulambu wa kulumba wa matangwa eswe yenayo.

Alevi 1:13

Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 14:10

Ha tangwa liamuchinake akande ana-mapanga aali a kuji keshi chipa, ni chihwo cha panga umuwika wa mwaka umuwika, keshi chipa, ni mulambu wa wunga wa yihanda yitatu ya ku kumi ha yihanda ya wunga wafufunuka wa kuchinga ni maji, ni njongo ya maji.

Alevi 2:1

Mba muze umwe makalambula mulambu wa wunga kuli Yehova, mulambu wenyi ukapwe wa wunga wafufunuka. Akaseho maji ni libano.

Alevi 2:15

Ukazujileho maji, ukaseho nawa libano. Wapwa mulambu wa wunga.

Alevi 23:13

Mulambu wawo wa wunga muupwa wa yihanda yiali ya ku yihanda kumi ya njongo ya efa ya wunga wafufunuka wa kuchinga ni maji. Akaulambule ni kahia kuli Yehova ha lupembo mupema. Mulambu wawo wa kunwa ukapwe wa vinyu, chihanda chamuchiwana cha njongo ya hine.

Alevi 3:7

Nyi matambula mwana-panga akamutambule kumeso ja Yehova.

Alevi 6:14

Shimbi ya mulambu wa wunga yino. Ana ja Arone akaulambule kumeso ja Yehova kulutwe lia chilumbilo.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Kwalula 28:12

ni yihanda yitatu ya ku kumi lia yihanda ya efa ya wunga wafufunuka yikapwe mulambu wa wunga, wa kuchinga ni maji, hali chimbembe mweswe; ni yihanda yiali ya ku kumi lia yihanda ya wunga wafufunuka yikapwe mulambu wa wunga, wa kuchinga ni maji, hali mwe kuji ya panga;

Kwalula 28:4

Mwanapanga umuwika ukamulambule ha chimene, ni umuwika ukamulambule ha chingoloshi;

Kwalula 29:6

Kuweza ku mulambu wa kulumba wa ha kakweji mwaha, ni mulambu wawo wa wunga, ni mulambu wa kulumba wa matangwa eswe, ni mulambu wawo wa wunga, ni milambu yayo ya kunwa, nikulita ni chiyulo chayo, yikapwe lupembo mupema, mulambu wa kahia kuli Yehova.

Kwalula 7:13

Mulambu wenyi wapwile panda limuwika lia prata, pezu yalio ya kulakaji lia shekele ni makumi atatu a shekele; mbasia yimuwika ya prata ya makumi shimbiali a shekele nikulita ni shekele ya muma musandu. Yeswe ni yiali ya tò ya wunga wafufunuka, wa kuchinga ni maji, ukapwe mulambu wa wunga.

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

Hebreu 13:16

Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.

Akwa Kuyula 9:9

Alioze mutondo wa olevwe wambile ngwenyi, Te munguhichika maji jami a kulemesa mazambi ni atu ngukaye ngukayule mitondo, nyi?