Kwalula 15:3 - MUKANDA USANDU WA ZAMBI 1975

³ nyi munukazanga kulambula kuli Yehova mulambu wa kahia, hanji mulambu wa kulumba, hanji chitapo, mukumanununa chilakenyo chimwe, hanji mulambu wa mbunge, hanji ha matangwa a yiwanyino yenu ya kutongola mukulambula kuli Yehova wa lupembo mupema, wa ku ngombe, hanji wa ku mapanga:

Mukanda Wa Zambi 1970

³ Munukahasa kulambula kuli Mwene Zambi ngombe, hanji panga, chibwe pembe, mulambu wa kwocha, hanji mulambu wa chilakenyo, chibwe mulambu wa kuzanga chenu, mu yiwanyino yenu. Lupembo mubema wa ku milambu yino ya yakulia kakuwahila kuli Mwene Zambi.

Kwalula 15:3 Iomraidhean Croise

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Ezra 7:17

Kashika musela mbunge ye kulanda ni mbongo jino kuji a ngombe ni kuji a mapanga ni ana-mapanga hamwe ni milambu yo ya wunga, ni milambu yo ya kunwa, ukayitambule ha chilumbilo cha zuwo lia Zambi yenu lize lili mu Yerusaleme.

Miaso (Masamu) 54:6

Mungukutambula chitapo cha wana. Mungusakwilila jina lie, Yehova, mumu chinapeme.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Kutuhuka 29:25

Ukayichize ku moko jo hikuyilumba ha chilumbilo ya kunangika ha mulambu wa kulumba, yikapwe lupembo mupema kumeso ja Yehova. Kuwapwa mulambu wa kwocha ni kahia kuli Yehova.

Kutuhuka 29:41

Mba mwana-panga mukwo ukamulambule ha chingoloshi. Ukalinge nenyi nikulita ni mulambu wa wunga wa chimene, nikulita ni mulambu wa kunwa, akapwe lupembo mupema, mulambu wa kwocha ni kahia kuli Yehova.

Alevi 10:13

Nukaulie kuma kumwe kusandu, mumu mwe ni wa ane a malunga, wa ku milambu ya kahia kuli Yehova, mumu chocho hangutuma.

Alevi 27:2

Amba kuli A-Izalele ngwe, Muze umwe malakenya chilakenyo kuli Yehova ha kutwala kuli atu nikulita ni ndando yize munutongola,

Alevi 7:16

Nyi chitapo cha mulambu wenyi muchikapwa cha chilakenyo, hanji cha vumbi, akachilie tangwa lize liene hachilambula, mu kucha nawa makalia chize chasala.

Kwalula 28:27

Alioze nukalambule mulambu wa kulumba, wa lupembo mupema kuli Yehova, te yimbembe aali a kuji, ni kuji ya panga umuwika, ni kuji a mapanga shimbiali a mwaka umuwika;

Kwalula 29:8

Nukalambule kuli Yehova mulambu wa kulumba wa lupembo mupema: te chimbembe wa kuji umuwika, ni kuji ya panga umuwika, ni kuji a mapanga shimbiali a mwaka umuwika. Akapwe kuli yenu keshi chipa.

Kwalula 6:15

ni mutonga wa mbolo kujishi futunwiso, ni yandanda ya wunga wafufunuka, wa kuchinga ni maji, ni malikemba keshi futunwiso, a kulembula ni maji, hamwe ni mulambu wayo wa wunga ni milambu yayo ya kunwa.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

2 Korintu 2:15

Mumu tuli lupembo mupema wa Kristu kuli Zambi muli waze anaalamwina, ni muli waze anatoko;

2 Korintu 2:16

kuli amwe vumba lia kufwa ndo ku kufwa; alioze kuli akwo vumba lia mwono ndo ku mwono. Yino yuma iya mayihasa?

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Shimbi 12:11

kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.

Shimbi 12:17

Kanda nukalila mu yihunda yenu chihanda cha ku kumi cha mbuto yenu, chipwe cha vinyu yenu, chipwe cha maji jenu, chipwe cha tupula-majimo a ngombe jenu, chipwe a yimuna jenu, chipwe cha yilakenyo yenu yeswe nunalakenya, chipwe cha milambu yenu ya mbunge, chipwe cha milambu ya kuzundula ni moko jenu.

Shimbi 12:6

Kwenako munuya, nukaheteseko milamba yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu, ni milambu yenu ya mbunge, ni tupula-majimo a ngombe jenu, ni a yimuna jenu.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.