Kwalula 14:9 - MUKANDA USANDU WA ZAMBI 1975

⁹ Chuma chimuwika, kanda nukolema Yehova, chipwe kanda nuvwila woma atu atwama mu chifuchi, o kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.

Mukanda Wa Zambi 1970

⁹ Kanda nukatukila Mwene Zambi, hanji kwivwile woma atu waze atwama ko. Mutukaakumba, chili chashi. Mwene Zambi kali hamwe ni yetu. Hakumba kulu mazambi waze akwaafunga. Kashika kanda nwivwa woma.”

Kwalula 14:9 Iomraidhean Croise

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

2 Sango Ja Mianangana 13:12

Chikwo nawa Zambi kwali hamwe ni yetu kututetekela, ni asasendote jenyi ni yitavwi ya kulungula akahumune kutulungula kulimika ni yenu. Enu A-Izalele! Kanda nwasa jita ni Yehova Zambi ya tulamba twenu, mumu kunuchi kuwahamo.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

2 Sango Ja Mianangana 20:17

Kuchatambile kwasa jita, enu A-Yunda ni A-Yerusaleme. Lilongenu, manenu chizechene nukamone ulamwino wa Yehova hamwe ni yenu. Kanda nwivwa woma, kanda nulishimwoka. Hamene tuhukenu kutakana no mumu Yehova kwali hamuwika ni yenu.

2 Sango Ja Mianangana 32:8

Iye kali ni kwoko lia musunya, alioze yetu tuli ni Yehova Zambi yetu kutukwasa ni kutwashila jita. Ni e atu ajikijilile ha maliji a Hezekia mwanangana wa Yunda.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Miaso (Masamu) 106:24

Ewa, alelesele chifuchi chipema; kafulielele liji lienyi.

Miaso (Masamu) 121:5

Yehova iye kafunga ke. Yehova iye chihuhumuke ha chindume che.

Miaso (Masamu) 14:4

Te kanyingikine, wano eswe akulinga uhenge, nyi? Kakulia atu jami ngwe mbolo. Keshi kusanyika ha jina lia Yehova.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 46:7

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.)

Miaso (Masamu) 46:8

Tweyenu nutale yitanga ya Yehova, kupupa chipwa haha halinga hano hashi.

Miaso (Masamu) 74:14

Wakulokola mitwe ya Leviatanu. Wamuhanyine akapwe kulia kuli waze atwama mu puya.

Miaso (Masamu) 91:1

Yoze watwama muma mwa kuswama mwa mwe Chitunda kumakatwama mu chihuhumuke cha Mukwa-Ndundo-Jeswe.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Kutuhuka 33:16

Kuchi mungunyingika ngwami, Hinawana vumbi kumeso je, ni yami ni atu je? Te kuchapwile ha chuma chino nyi? Mumu yena wakuya hamwe ni yetu, chocho ni yami ni atu je tukahandunuke kuli atu eswe muno muze.

Izaya 1:2

Malilu, panjikenu. Hashi, neha matwi je. Mumu Yehova hanahanjika. Hinalela ana ni kwahoka, alioze hanangukatukila.

Izaya 32:2

Mba umwe mutu makapwa ngwe chiswamo ha fuji, ngwe uchinyino ha kangonga, makapwa ngwe tupila twa meya muma mumu, ngwe Chizulie cha luliwe lunene mu chifuchi cha yikatalo.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 42:11

Kanda nuvwila woma mwanangana wa Babilonia, yoze nwakumuvwila woma. Yehova kanambe ngwenyi, Kanda numuvwila woma mumu yami nguli hamwe ni yenu kunulamwina ni kunupulula kuli iye.

Jeremia 48:45

Mu Chizulie cha Heshebone akwa kuchina kakumana, tachi jakuhi, mumu kahia hikanatuhuka mu Heshebone, mulengi unatuhuka mu munyachi wa Sahone. Hiwalia wa ku lumbu lia Moape ni ku mbanda-mutwe wa akwa Chizungozungo.

Daniel 9:5

etu hitwavulumuna, hitwalinga chipi, hitwalinga ungulungulu, hitwakukatukila ni kuhambuluka ku shimbi je ni yiyulo ye.

Daniel 9:9

Kuli Mwene Zambi yetu kwatwama keke ni ukonekeno, mumu yetu hitwamukatukila.

Kwalula 13:30

Kalemba yaholesa atu kumeso ja Mose ngwenyi, Tukandukenu haliapwila, tukachizuke; mumu tunahase kanawa kuchikumba.

Kwalula 17:6

Mose yahanjika ni A-Izalele; mba miata jo eswe yamwaha milumbu, mulumbu hali mwata, mulumbu hali mwata, nikulita ni minyachi ya tulamba two, te kumi lia milumbu ni milumbu yiali. Mulumbu wa Arone wapwile hamwe ni milumbu yo.

Kwalula 20:2

Kukwapwile meya niamwe ha chikungulwila, mba o yalikungulula nikulimika ni Mose ni Arone.

Kwalula 24:8

Zambi yamuchiza ku Engitu. Kumumona, ngwe iye kali ni tachi ja mbau. Kumakamanuna akwa mavungu, akwa kulimika nenyi. Kumakamakuna yifwaha yo tuyipinji. Kumakaatuwa ndusu ni mivi yenyi.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Shimbi 1:21

Kutala! Yehova Zambi yenu kanase kumeso jenu che chifuchi, nukanduke, nuchizuke ngwe Yehova Zambi ya tulamba twenu ambile kuli yenu. Kanda nwivwa woma, chipwe mwongo, ka.

Shimbi 1:26

Hindu kunwatayile kukanduka, alioze yinukolema shimbi ya Yehova Zambi yenu.

Shimbi 1:29

Henaho yingwamba kuli yenu ngwami, Kanda nupwa ni mwongo, chipwe kwavwila woma, ka.

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Shimbi 31:8

Yehova, iye kanayi kumeso je, kumakapwa hamwe ni yena; kechi kakuhichika, chipwe kukwehuka, ka; kanda wivwa woma, chipwe mwongo, ka.

Shimbi 32:42

Munguzengewesa mivi yami ni manyinga. Katana kami malia yifwo hamwe ni manyinga a afu ni funge, ni mutwe wa mianangana ja akwa kole.

Shimbi 7:18

Kanda nukaavwila woma. Iwulukenu kanawa yize alingile Yehova Zambi yenu kuli Falau, ni kuli A-Engitu eswe,

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

Shimbi 9:7

Iwulukenu, kanda nuvulama ngwe yenu nwehile Yehova Zambi yenu mu puya, chize ku tangwa nwakatukile ku chifuchi cha Engitu, ndo nwahetele kuno, enu kunwakolema Yehova.

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Yoshua 14:12

Kashika ngwehenu chifuchi chino cha milundu Yehova wambile tangwa lize, mumu wevwile ha tangwa lize ngwo, A-Anake atwamako mu yihunda yinene ya kukolesa. Hanji Yehova mapwa ni yami ngukaahume ngwe Yehova hanambe.

Akwa Kuyula 1:22

Akwa munyachi wa José akandukile kwasa jita ni Mbetele, mba Yehova wapwile hamwe no.